جدہ اور ریاض میں لاکھوں نشہ آورگو لیاں برآمد کر کے 5 سمگلرز کو گرفتار کر لیا گیا

ہفتہ 11 فروری 2017 16:26

جدہ ۔ (اُردو پوائنٹ اخبارتازہ ترین - اے پی پی۔ 11 فروری2017ء) سعودی اینٹی نارکوٹکس حکام نے ریاض اور جدہ میں لاکھوں نشہ آورگو لیاں سمگل کرنے کی کوشش ناکام بناکر 5 افراد گرفتار کر لئے ۔

(جاری ہے)

ہفتہ کو سعودی میڈیا کی رپورٹس کے مطابق اینٹی نارکوٹکس کی دو ٹیموں نے ریاض میں 680,000 میتھم فیٹا مائین گو لیاں دو مختلف کارروائیوں میں بر آمد کیں جبکہ جدہ میں دھاتی برتنوں میں چھپائی گئی 424000 گولیاں بر آمد کی گئیں جو شام سے تعلق رکھنے والے دو باشندوں سے بر آمد ہو ئیں جن کو گرفتار کر لیا گیا اور ان نشہ آور گولیوں کی فروخت میں ملوث کل 5 افراد میں 3 سعودی باشندے بھی شامل ہیں سعودی اینٹی نارکوٹکس حکام نے بتایا کہ یہ دونوں کارروائیاں نشہ آور گولیاں سمگل ہونے کی مخبری پر کی گئیں ۔