نیپال کی سفیر مس سیوا لمثال ادھیکاری نے وزیر اعلیٰ سندھ سید مراد علی شاہ سے وزیر اعلیٰ ہائوس میں ملاقات کی

جمعہ 10 فروری 2017 22:19

کراچی(اُردو پوائنٹ اخبارتازہ ترین - آئی این پی۔ 10 فروری2017ء) نیپال کی سفیر مس سیوا لمثال ادھیکاری نے وزیر اعلیٰ سندھ سید مراد علی شاہ سے وزیر اعلیٰ ہائوس میںملاقات کی،ملاقات میں باہمی تجارت ، کاروبار اور ثقافتی سرگرمیوں کے حوالے سے بات چیت کی گئی اور دونوں ممالک کے مابین وفود کے تبادلو ں پر بھی اتفاق کیا گیا۔

(جاری ہے)

نیپال کی سفیر کی درخواست پر وزیراعلیٰ سندھ نے کہاکہ وہ وفاقی حکومت سے درخواست کریں گے کہ کراچی ، لاہور اور اسلام آباد سے نیپال کے لئے براہِ راست فلائٹس شروع کی جائیں اس سے تجارتی کمیونٹی کو سفر کرنے میں آسانی ہو گی۔وزیراعلیٰ سندھ نے نیپال کی سفیر کو یاد گاری شیلڈ ، سندھی شال اور کھیس کا تحفہ بھی پیش کیا۔