بلدیاتی اداروں کو مستحکم کر کے اختیارات کی نچلی سطح تک منتقلی کا عمل عوام کی زندگی میں بہتری لانے کا باعث بنے گا‘رفیق رجوانہ
چیلنجز اپنے اندر ترقی کے مواقع لے کر آتے ہیں اور اسی وژن کے تحت موجودہ قیادت عوامی مسائل حل کرنے کیلئے کوشاں ہے‘گورنرپنجاب
پیر 6 فروری 2017 22:46
(جاری ہے)
انہوں نے کہا کہ آج کا پاکستان بلاشبہ ہر شعبے میں پہلے سے کہیں بہتر ہے خصوصا معاشی اور سیاسی استحکام نے عوام میں اُمیدفرداپیدا کی ہے۔
انہوں نے کہا کہ سی پیک منصوبے میں چین کی سرمایہ اور بین الاقوامی تاجروں اور کمپنیوں کی طرف سے ملک میں سرمایہ کاری کا رجحان موجودہ حکومت کی معاشی پالیسیوں پر اعتماد کا اظہار ہے۔گورنر پنجاب نے کہا کہ سی پیک منصوبہ محض گیم چینجر ہی نہیں بلکہ یہاں کے بسنے والی عوام کی تقدیر بدلنے کا منصوبہ بھی ہے جس سے پاکستان دنیا بھر میں مواقعوں کی سر زمین بن کر ابھر ے گا۔انہوں نے توقع ظاہر کی کہ بلدیاتی اداروں کو مستحکم کر کے اختیارات کی نچلی سطح تک منتقلی کا عمل عوام کی زندگی میں بہتری لانے کا باعث بنے گا۔ انہوں نے کہا کہ عوامی نمائندے بلدیات کی سطح پر ہوں، صوبے کی سطح پر ہوں یا قومی سطح پر ان کا مطمع نظر صرف اور صرف عوامی فلاح ہوتی ہے۔گورنر پنجاب نے لارڈ میئرلاہورکرنل(ر) مبشر جاوید کو لاہور کا منصب سنبھالنے پر مبارکباد دی اور امید ظاہر کی کہ وہ بطور لارڈ میئر اہلیان لاہور کی خدمت کو اپنا شعار بنائیں۔لارڈ میئر لاہورکرنل(ر) مبشر جاوید نے کہا کہ وزیراعلیٰ پنجاب محمد شہباز شریف اور وزیراعظم محمد نواز شریف نے اُن پراعتماد کا اظہار کیاہے وہ اُس پر پورا اُترنے کی کوشش کریں گے اور اپنی سیاست کا محورصرف اور صرف عوامی خدمت کو رکھیں گے۔بعد ازاں، گورنر پنجاب ملک محمد رفیق رجوانہ نے آرٹسٹس ایسوسی ایشن آف پنجاب کے زیر اہتمام الحمراہ آرٹ گیلری لاہور میں 31ویں سالانہ پینٹنگ کی نمائش کا افتتاح کیا۔ اس موقع پرچیئرمین آرٹسٹس ایسی ایشن آف پنجاب میاں اعجاز الحسن اور چیئرمین لاہور آرٹس کونسل کامران لاشاری بھی موجود تھے۔ گورنر پنجاب نے تقریب سے خطاب کرتے ہوئے کہا کہ آرٹسٹس ملک کا اثاثہ ہیں جو معاشرے کی خوبیوں اور خامیوں پر گہری نظر رکھتے ہیں اور پینٹنگ کے ذریعے بہترین انداز میں ان چیزوں کو اجاگر کرتے ہیں۔انہوں نے کہا کہ آرٹسٹس ایک حساس طبقہ ہے جو خاموشی سے اپنی تصاویر میںسب کچھ بتادیتا ہے لیکن دیکھنے والے کی آنکھ پے منحصر ہے کہ وہ اسے کس انداز میں محسوس کرتا ہے۔ انہوں نے کہا کہ حکومت انہیں ہر ممکن تعاون فراہم کرے کی۔ گورنر نے کہا کہ اس طرح کی نمائش کا زیادہ سے زیادہ انعقاد ہونا چاہئے ۔گورنر پنجاب نے کہا کہ حکومت عام آدمی کی معیارِزندگی کو بہتر کرنے اور انہیں بنیادی سہولتوں کی فراہمی کے لئے ہر ممکن اقدامات کو یقینی بنارہی ہے۔اس موقع پر گورنر پنجاب نے آرٹسٹس ایسوسی ایشن کے زیر اہتمام لگائی گئی تصویری نمائش کا افتتاح کیا اور تصاویر دیکھیں ۔دریں اثناء، گورنر پنجاب ملک محمد رفیق رجوانہ نے اڈیٹر انچیف، روزنامہ اوصاف، مہتاب خاں کی والدہ کے انتقال پر گہرے دُکھ اور افسوس کا اظہار کیا ہے اور دُعا کی ہے کہ اللہ تعالیٰ مرحومہ کو جوارِ رحمت میں جگہ عطا فرمائے اور لواحقین کو یہ صدمہ صبر و استقامت کے ساتھ برداشت کرنے کا حوصلہ دے۔ (آمین)۔متعلقہ عنوان :
مزید اہم خبریں
-
ایف بی آرکا ٹریک اینڈ ٹریس سسٹم ناکام
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.