کشمیریوں کی لازوال قربانیاں رنگ لائیں گی ،راناعمردراز

اتوار 5 فروری 2017 22:20

مظفر گڑھ۔5 فروری(اُردو پوائنٹ اخبارتازہ ترین - اے پی پی۔ 05 فروری2017ء)امیر جماعت اسلامی ضلع مظفرگڑھ رانا عمر دراز فاروقی نے یکجہتی کشمیر ریلی سے خطاب کرتے ہوئے کہاہے کہ پوری قوم نے 5 فروری کو کشمیریوں سے بے مثال یکجہتی کا اظہار کرکے ثابت کیا ہے کہ پورا پاکستان کشمیریوں کے شانہ بشانہ کھڑا ہے ۔

(جاری ہے)

کشمیریوں کی لازوال قربانیاں رنگ لائیں گی ، بھارتی ظلم وجبر اور ناجائزقبضہ ناکام ہوگا اور کشمیر ی عوام حق خود ارایت حاصل کر کے دم لیں گے۔

امیر جماعت اسلامی مظفرگڑھ شہر احمد جمال بلوچ نے کہاکہ کشمیری قوم پر بھارت کے غاصبانہ قبضہ کو 70 سال میں کبھی بھی تسلیم نہیں کیا گیا۔ بھارت کشمیر پر اپنا ناجائز اور سامراجی قبضہ جمائے رکھنے کے لیے چاہے کتنے جھوٹ بولے اور جھوٹے دعوے کریاسے ہمیشہ رسوائی ہی ملے گی۔