نیدر لینڈ میں چینی سال کی تقریبات نے عوام کے دل موہ لئے

برسلز (اُردو پوائنٹ اخبارتازہ ترین - آئی این پی۔ 05 فروری2017ء) سینٹرل نیدر لینڈز کے تاریخی شہر اترے چیٹ میں گذشتہ روز چین کے سال نو کی تقریبات منائی گئیں ، اس موقع پر چین کے سی ہائی ٹانگ چن فنکار گروپ نے اپنے فن کا شاندار مظاہرہ کیا ، فنکاروں نے دو گھنٹے تک اپنی شاندار کارکردگی سے 1400ء سے زائد حاضرین کے دل موہ لئے ، اس موقع پر چینی ثقافت اور تاریخ کو اجاگر کیا گیا جس میں مقامی افراد نے گہری دلچسپی کا اظہار کیا ، قدیم چین کی تعریف اور جنگی ہیروز کے بارے میں بھی خصوصی پروگرام بھی پیش کیا گیا ، رقص موسیقی اور میجک بھی پروگرام کے خصوصی آئٹمز تھے ، حاضرین نے تالیاں بجا بجا کر فنکاروں کو داد دی ، یہ شو اس قدر حیرت انگیز تھا کہ مقامی لوگ اسے دیکھ کر مسحور ہو گئے ، سی ہائی ٹانگ چن کا مطلب یہ ہے کہ دنیا بھر کے لوگ جشن بہاراں منا رہے ہیں ، یہ اس عالمی کلچرل پروگرام کا حصہ ہے جو 2009ء میں شروع کیا گیا تھا ، بیرون ملک چینی تقریبات میں بھی اس پروگرام کو بطور خاص پیش کیا جاتا ہے۔