این بی ایف آئی اینڈ مضاربہ ایسوسی ایشن آف پاکستان اور سینٹرل ڈپازٹری کمپنی کے درمیان ابیٹ آباد سرمایہ کاری مرکزکیلئے معاہدہ

جمعرات 2 فروری 2017 20:41

کراچی(اُردو پوائنٹ اخبارتازہ ترین - آن لائن۔ 02 فروری2017ء) این بی ایف آئی اینڈ مضاربہ ایسوسی ایشن آف پاکستان اور سینٹرل ڈپازٹری کمپنی نے ایبٹ آباد میں سرمایہ کاری مرکز میں آفس کھولنے کے لئے پارنٹرشپ کے ایک معاہدے پر دستخط کئے ہیں۔ ایبٹ آباد سرمایہ کاری مرکزمیں آفس کا مقصد سیکٹر سے متعلق تعلیم اور آگاہی فراہم کرنے کے ساتھ ساتھ ایبٹ آباد اور اس سے ملحقہ علاقوں جیسے ہری پور، مانسہرہ اور بالاکوٹ کے رہائشیوں تک اپنے ممبرزکی رسائی شامل ہے۔

معاہدے پر این بی ایف آئی اینڈ مضاربہ ایسوسی ایشن آف پاکستان کے چیئرمین ایاز دائود او ر سینٹرل ڈپازٹری کمپنی کے چیف ایگزیکٹو آفیسر آفتاب دیوان نے دستخط کئے۔ این بی ایف آئی اینڈ مضاربہ ایسوسی ایشن آف پاکستان مضاربہ، لیزنگ کمپنیوں، چند انوسٹمنٹ بینکوں اورایک ونڈو تکافل آپریشنز کی نمائنڈہ باڈی ہے۔

(جاری ہے)

ایبٹ آباد سرمایہ کاری مرکز پاکستان کا پہلا کیپیٹل مارکیٹ بزنس حب ہے جو کہ سیکیوریٹیزاینڈ ایکسچینج کمیشن آف پاکستان نے سینٹرل ڈپازٹری کمپنی کے ساتھ مل کر قائم کیا ہے۔

کیپیٹل مارکیٹ بزنس حب دراصل کیپیٹل مارکیٹ کے بڑے اداروں کی ایک جگہ میں موجودگی کو برقراررکھنے کا تصور ہے۔ اس کوشش کا مقصد کیپٹل مارکیٹ کی توسیع اورخاص طورپر ملک کے چھوٹے شہروں تک رسائی ہے۔ #