بحرین کے وزیر خارجہ شیخ خالد احمد الخلیفہ 5 سے 7 فروری تک پاکستان کا تین روزہ دورہ کریں گے،یہ دورہ پاکستان اور بحرین کے درمیان دوطرفہ تعلقات کو مزید مستحکم کرنے میں معاون ثابت ہو گا،جاوید ملک
بدھ 1 فروری 2017 23:45
اسلام آباد ۔ یکم فروری (اُردو پوائنٹ اخبارتازہ ترین - اے پی پی۔ 01 فروری2017ء) بحرین میں پاکستان کے سفیر جاوید ملک نے کہا ہے کہ بحرین کے وزیر خارجہ شیخ خالد احمد الخلیفہ 5 سے 7 فروری تک پاکستان کا تین روزہ دورہ کریں گے، ان کا یہ دورہ پاکستان اور بحرین کے درمیان دوطرفہ تعلقات کو مزید مستحکم کرنے میں معاون ثابت ہو گا۔ جاوید ملک نے کہا کہ بحرین کے وزیر خارجہ کے ہمراہ ایک اعلیٰ سطح کا سرکاری وفد بھی ہو گا جس میں بحرین کے شاہی خاندان کے اراکین بھی شامل ہوں گے۔
اس موقع پر دونوں ملکوں کے درمیان تمام شعبوں میں تعاون کے حوالہ سے فریم ورک کی تیاری پر غور کیا جائے گا۔ جاوید ملک نے کہا کہ بحرین میں، میں جب سے سفیر تعینات ہوا ہوں وزیراعظم نواز شریف کی خصوصی ہدایات کی روشنی میں، میں نے دونوں ملکوں کے درمیان دوطرفہ تعلقات کو مزید مستحکم اور بڑھانے کیلئے کوششیں شروع کر رکھی ہیں۔(جاری ہے)
انہوں نے کہا کہ ان کوششوں کے نتیجہ میں دونوں اطراف کی وزارت خارجہ کے تعاون سے پہلا مشترکہ وزارتی کمیشن 6 فروری 2017ء کو منعقد ہو گا۔
انہوں نے کہا کہ بحرین کے وزیر خارجہ شیخ خالد بن احمد الخلیفہ بحرین جبکہ خارجہ امور کے مشیر سرتاج عزیز پاکستان کی طرف سے اس کمیشن میں قیادت کریں گے۔ قبل ازیں رواں ہفتہ پاکستانی سفیر جاوید ملک بحرین کے وزیر خارجہ سے ان کے دفتر میں ملے جس میں ان کے دورہ پاکستان کو کامیاب اور بامقصد بنانے کیلئے حتمی شکل دی گئی۔ انہوں نے اس بات کی بھی تصدیق کی کہ مشیر خارجہ سرتاج عزیز اور وزیراعظم کے معاون برائے خارجہ امور طارق فاطمی سے ملاقات کے ساتھ ساتھ بحرین کے وزیر خارجہ وزیراعظم نواز شریف سے بھی ملیں گے۔ اس موقع پر وہ بحرین کے سلطان حماد بن عیسیٰ الخلیفہ کی طرف سے نیک خواہشات کا پیغام بھی دیں گے۔ جاوید ملک نے کہا کہ مشترکہ وزارتی کمیشن دوطرفہ سفارتی، اقتصادی، تجارتی، دفاعی اور ثقافتی تعلقات کو پاکستان اور بحرین کے درمیان فروغ دینے کیلئے مفاہمتی یادداشتوں پر دستخط کرے گا۔ انہوں نے کہا کہ پاکستان بحرین اور گلف کوآپریشن کونسل میں شامل ممالک کے ساتھ اپنے برادرانہ تعلقات کو قدر کی نگاہ سے دیکھتا ہے۔ بحرین نے گلف کوآپریشن کونسل (جی سی سی) کی حال ہی میں صدارت سنبھالی ہے۔ اس تناظر میں شیخ خالد کا دورہ پاکستان بہت زیادہ اہمیت کا حامل ہے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.