ملک میں گیس کی طلب اور رسد میں واضح فرق ہے ،ْ ایل این جی کوئی بھی صوبہ استعمال کر سکتا ہے ،ْ شاہد خاقان عباسی
سندھ میں بعض ٹیکسٹائل یونٹوں کو حکم امتناعی کی وجہ سے 480 روپے فی ایم ایم بی ٹی یو کے حساب سے گیس کی فراہمی جاری ہے ،ْ حکومت ترقیاتی فنڈز کو سیاسی مقاصد کے لئے استعمال نہیں کرتی ،ْقومی اسمبلی میں وقفہ سوالات حکومت ملک میں سستے اور فوری انصاف کی فراہمی کے لئے پائلٹ پراجیکٹ پر عمل پیرا ہے ،ْ وفاقی وزیر زاہد حامد نیب نے اب تک 278 ارب روپے وصول کئے، نیب ملازمین کو ملزمان سے وصول کردہ رقم میں سے کوئی رقم نہیں دی جاتی ،ْ جوابات قومی اسمبلی میں اعلیٰ عدالتوں کے ججوں کی دوہری شہریت کے حوالے سے سوال مکمل تفصیلات آنے تک موخر کر دیا گیا
پیر 30 جنوری 2017 23:52
(جاری ہے)
اس کی قیمتوں کے حوالے سے آج تک کوئی شکایت نہیں آئی، ڈیمانڈ زیادہ ہونے پر سی این جی کی لوڈ شیڈنگ کی جاتی ہے، اس وقت تین دن لوڈ شیڈنگ کی جاتی ہے۔
انہوں نے کہا کہ گھریلو گیس کنکشن سکیموں کو کابینہ کو بھجوایا جاتا ہے، اس کی منظوری سے کنکشن دیا جاتا ہے۔ انہوں نے بتایا کہ گیس کا پریشر سردی کی شدت یا دیگر وجوہات کی بناء پر کم ہو جاتا ہے ،ْکوئی ممبر اگر اپنے حلقہ میں گیس کا کنکشن لگانا چاہتا ہے تو وہ ہمیں لکھ کر دے، ہم کابینہ کو بھجوا دیں گے اور اس کی رقم وہی رکن دیگا انہوں نے بتایا کہ پشاور ہائی کورٹ کے فیصلے کی روشنی میں خیبر پختونخوا میں لوڈ شیڈنگ نہیں کی جا رہی، یہاں بھی دو ماہ لوڈ شیڈنگ ہونی چاہئے۔ انہوں نے بتایا کہ ہماری کوشش ہے کہ نظام بہتر انداز میں چلایا جائے، اس سال شکایات کم ہیں، آئندہ سردیوں میں یہ نہ ہونے کے برابر ہوں گی۔ وفاقی وزیر پٹرولیم و قدرتی وسائل شاہد خاقان عباسی نے بتایا کہ اس وقت ٹیکسٹائل کے شعبہ کے لئے گیس کے نرخ ملک بھر میں یکساں طور پر 600 روپے فی ایم ایم بی ٹی مقرر کیا گیا ہے۔ کراچی میں چند صنعتی یونٹس ایسے ہیں جنہوں نے عدالت سے حکم امتناعی لے رکھا ہے اور وہ 480 روپے فی ایم ایم بی ٹی یو کے حساب سے دے رہے ہیں۔ عدالت سے فیصلہ آنے پر اگر ان کی اپیل مسترد ہوئی تو مساوی کر دیں گے۔وفاقی وزیر پٹرولیم و قدرتی وسائل شاہد خاقان عباسی نے بتایا کہ اوگرا نے اپنے مالی سال 2016-17ء کی ضروریات کے محاصل کے تخمینہ کے تعین میں سرمایہ بجٹ کے لئے مردان ریجن کے قیام کے لئے پانچ کروڑ 10 لاکھ روپے کی منظوری دی ہے۔ انہوں نے کہا کہ حکومت ترقیاتی فنڈز سیاسی مقاصد کے لئے استعمال نہیں کرتی۔وفاقی وزیر شیخ آفتاب احمد نے بتایا کہ لاہور ۔ اسلام آباد موٹر وے ایم 2 کی تعمیر نو کا افتتاح دسمبر 2014ء میں کیا گیا، یہ کام تین سال میں مکمل ہونا تھا جسے وزیراعظم کی ہدایت پر دو سال کر دیا گیا، اسے مقررہ وقت میں مکمل کرلیا جائے گا۔وزیر قانون زاہد حامد نے بتایا کہ عدالتوں میں زیر التواء مقدمات کو جلد نمٹانے کی خاطر مقدمات کی سماعت کے لئے عدالتی معاونین کی تعیناتی کی کوئی تجویز زیر غور نہیں ہے۔ انہوں نے بتایا کہ عدالتوں میں مقدمات اس لئے التواء میں نہیں ہیں کہ یہاں پر مائیکرو سیکوئر تعینات نہیں ہوئے، یہ فرینڈز آف کورٹس ہوتے ہیں جو عدالت کو آزادانہ رائے دیتے ہیں۔ انہوں نے بتایا کہ سستا اور فوری انصاف نچلی سطح پر پہنچانا ہمارا منشور ہے، اس پر بہت سے اقدامات اٹھائے ہیں، اصلاحات کمیٹی موجود ہے اور اس کے تحت ہم مختلف بلز متعارف کرا رہے ہیں۔ ڈویژن کی سطح پر ہائی کورٹ بینچ بنانے کی تجویز پر غور کر رہے ہیں۔عائشہ سید کے سوال کے جواب میں زاہد حامد نے بتایا کہ تیزی سے انصاف کی فراہمی کے حوالے سے انقلابی اقدامات زیر غور ہیں۔ ہم ڈسٹرکٹ کورٹ، سول کورٹ کے بعد ہائی کورٹ، سپریم کورٹ سے اپیل پر غور کر رہے ہیں۔ اس بارے میں پائلٹ پراجیکٹ لایا ہے۔ کئی اہم قانون لائے ہیں۔ شام کی عدالتیں لگانے، ججوں کی تعداد بڑھانے سمیت کئی سفارشات شامل ہیں۔ زاہد حامد نے بتایا کہ ملزمان سے وصول کردہ رقم میں سے نیب ملازمین کو کوئی رقم نہیں دی جاتی۔ انہوں نے بتایا کہ نیب نے اب تک 278 ارب روپے وصول کئے، 36 ارب 32 کروڑ روپے کی ریکوری یا پلی بارگیننگ کی گئی جن میں سے 2 ہزار 849 ملازمین کو 1 ارب 14 کروڑ روپے ایوارڈ دیا گیا۔قومی اسمبلی میں اعلیٰ عدالتوں کے ججوں کی دوہری شہریت کے حوالے سے سوال مکمل تفصیلات آنے تک موخر کر دیا گیا۔ وزیر قانون زاہد حامد نے بتایا کہ اعلیٰ عدالتوں کے ججوں کی دوہری شہریت کے حوالے سے وفاقی شریعت کورٹ، پشاور، بلوچستان اور اسلام آباد ہائیکورٹس نے معلومات دی ہیں کہ کوئی جج دوہری شہریت کا حامل نہیں جبکہ عدالت عظمیٰ، عدالت عالیہ لاہور اور عدالت عالیہ سندھ سے ابھی معلومات کا انتظار ہے۔ جس پرڈپٹی سپیکر نے یہ سوال موخر کر دیا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.