امریکی ڈالر، سعودی ریال، اماراتی درہم، برطانوی پائونڈ اور یورو کی قدر میں اضافہ

پیر 30 جنوری 2017 15:27

امریکی ڈالر، سعودی ریال، اماراتی درہم، برطانوی پائونڈ اور یورو کی ..

کراچی ۔ (اُردو پوائنٹ اخبارتازہ ترین - اے پی پی۔ 30 جنوری2017ء) پاکستانی روپے کے مقابلے میں امریکی ڈالر سمیت سعودی ریال، اماراتی درہم، برطانوی پائونڈ اور یورو کی قدر میں تیزی کا رجحان رہا۔ پیر کو امریکی ڈالر، سعودی ریال، اماراتی درہم، برطانوی پائونڈ اور یورو کی قدروں میں بالترتیب 20 پیسے، 6 پیسے، 5 پیسے، 37 پیسے اور 82 پیسے کا اضافہ ہوگیا۔

(جاری ہے)

نیشنل بینک آف پاکستان سے جاری کردہ اعداد و شمار کے مطابق امریکی ڈالر اپنی گذشتہ کاروباری روز کی قیمت فروخت 105.85 روپے سے بڑھ کر 106.05 روپے اور قیمت خرید 103.34 روپے سے بڑھ کر 103.54 روپے ہوگئی۔ اسی طرح خلیجی ممالک کی اہم کرنسی سعودی ریال بھی قیمت فروخت 28.08 روپے سے بڑھ کر 28.14 روپے اور قیمت خرید 26.43 روپے سے بڑھ کر 26.48 روپے جبکہ اماراتی درہم قیمت فروخت 28.82 روپے سے بڑھ کر 28.87 روپے اور قیمت خرید 26.42 روپے سے بڑھ کر 26.47 روپے پر بند ہوئی۔

مزیدبرآں یورپین ممالک کی اہم کرنسی برطانوی پائونڈ قیمت فروخت 133.04 روپے سے بڑھ کر 133.41 روپے اور قیمت خرید 129.89 روپے سے بڑھ کر 130.25 روپے رہی جبکہ یورو کی قیمت فروخت بھی 113 روپے سے بڑھ کر 113.82 روپے اور قیمت خرید 110.33 روپے سے بڑھ کر 111.13 روپے پر جاپہنچی۔

متعلقہ عنوان :