کراچی ،تحریک انصاف کا وی آئی پی کلچر کے خاتمے کیلئے ایک اور سنہرا کارنامہ منظر عام پر آ گیا

فیصل واوڈا کا لا لشکر کے ساتھ ہیوی بائیک پرشہر کا وی آئی پی گشت،سکیورٹی والے ہوٹر بجانے پر معمور رہے

اتوار 29 جنوری 2017 23:50

کراچی ،تحریک انصاف کا وی آئی پی کلچر کے خاتمے کیلئے ایک اور سنہرا کارنامہ ..

کراچی(اُردو پوائنٹ اخبارتازہ ترین - آئی این پی۔ 29 جنوری2017ء) تحریک انصاف کا وی آئی پی کلچر کے خاتمے کیلئے ایک اور سنہرا کارنامہ منظر عام پر آ گیا، پارٹی کے وی آئی پی لاڈلے فیصل واوڈا نے اپنے لا لشکر کے ہمراہ ہیوی بائیک پر شہر قائد میں وی آئی پی گشت کیا۔

(جاری ہے)

تفصیلات کے مطابق اتوار کو تحریک انصاف کے وی آئی پی لاڈلے فیصل واوڈا لا لشکر کے ساتھ ہیوی بائیک پر کراچی میں وی آئی پی گشت کرتے رہے ۔

تاہم پی ٹی آئی رہنما ہیوی بائیک پر اکیلے نہیں نکلے، سکیورٹی والوں کو بھی ہمراہ لے کر نکلے۔ فیصل واوڈا نے سکیورٹی والوں کو ہوٹر بجانے کا کام سونپ رکھا تھا تاکہ عوام ڈر کر ان کی شاہانہ سواری کیلئے راستہ چھوڑ دیں۔ یوں لاڈلے رہنما نے وی آئی پی کلچر ختم کرنے کا پورا پورا اہتمام کیا۔