پشاور میں منعقدہ تقریب میں عمران خان کے شاہد آفریدی پر طنزیہ جملوں کے وار

محمد علی ہفتہ 28 جنوری 2017 20:02

پشاور (اُردو پوائنٹ تازہ ترین اخبار۔28 جنوری 2017ء) پشاور میں منعقدہ تقریب میں عمران خان نے شاہد آفریدی پر طنزیہ جملوں کے وار سے شرکا کو خوب محظوظ کیا۔

(جاری ہے)

تفصیلات کے مطابق پشاور زلمی کے حکام کی جانب سے پشاور میں ایک تقریب کا انعقاد کیا گیا جس میں تحریک انصاف کے سربراہ عمران خان، شاہد آفریدی اور سی ایم کے پی کے پرویز خٹک نے شرکت کی۔ اس موقع پر شرکا سے خطاب کرتے ہوئے عمران خان نے شاہد آفریدی پر طنز کے وار کر دیے۔ عمران خان کا کہنا تھا کہ نوجوانوں کو ورزش کی عادت ڈالنی چاہیے۔ ورزش سے انسان بوڑھا نہیں ہوتا۔ اس کی سب سے بڑی مثال ان کے سامنے موجود شاہد آفریدی ہیں۔ عمران خان کے اس طنز پر ہال شرکا کے قہقوں اور تالیوں سے گونج اٹھا۔