صحت مندپنجاب پروگرام،پنجاب فوڈ اتھارٹی کی تمام اضلاع تک توسیع کی سمری منظور

پہلےمرحلے میں جون2017 تک5ڈویژنزکے17اضلاع میں فوڈ اتھارٹی دفاترقائم کیے جائینگے،دسمبر2017تک اتھارٹی پنجاب کےتمام اضلاع میں کام شروع کردیگی،نئے دفاتر،خالی اسامیاں پربھرتی،ملاوٹ مافیا کی نشاندہی کیلئے ویجیلنس ونگ بنایاجائیگا۔ترجمان پنجاب فوڈاتھارٹی

ثنااللہ ناگرہ بدھ 25 جنوری 2017 20:29

لاہور(اردوپوائنٹ اخبارتازہ ترین۔25جنوری2017ء) :وزیر اعلیٰ پنجاب محمد شہباز شریف کے صحت مند پنجاب پروگرام ویژن کی تکمیل کے لیے کام تیزی سے جاری ہے ۔صوبہ بھر میں عوام تک صاف،صحت مند اور میعاری خوراک کی فراہمی یقینی بنانے کے لیے پنجاب فوڈ اتھارٹی موثر کاوائیاں کر رہی ہے ۔اس سلسلے میں پنجاب فوڈ اتھارٹی کی کارکردگی، ضروت اور اہمیت کو مدنظر رکھتے ہوئے فوڈ اتھارٹی کا دائرہ کارمزید وسیع کیا جا رہا ہے ۔

کیبنٹ کمیٹی نے فوڈ اتھارٹی توسیع پروگرام کے لیے 63کروڑ کی سپلمنٹری گرانٹ کی منظوری دے دی ہے۔تفصیلات کے مطابق پنجاب فوڈ اتھارٹی کا دائراہ کار 5اضلاع سے بڑھا کر پورے پنجاب تک پھیلانے کا فیصلہ کیا گیا ہے ۔ پہلے مرحلے میں جون 2017تک 17اضلاع میں فوڈ اتھارٹی کے دفاتر قائم کیے جائیں گے جبکہ دسمبر 2017تک فوڈ اتھارٹی پورے صوبے میں کام کا آغاز کر دے گی۔

(جاری ہے)

فوڈ اتھارٹی ہیڈ کوارٹر لاہور کو مزید مستحکم کرنے کے لیے تمام خالی اسامیوں فوری پر کی جائیں گی۔ علاوہ ازیں توسیع منصوبے کے لیے گریڈ 1سے گریڈ 19 تک 199نئی اسامیوں کی سمری منظوری کے مراحل میں ہے ۔توسیع پروگرام میں فوڈ اتھارٹی اپنا ویجیلنس ونگ بنائے گی جو ملاوٹ مافیا پر نظر رکھنے کے ساتھ ادارے کے اندر موجود افسران اور عملے کی کارکردگی اور اختیارات کے جائز حد میں رہ کر استعمال کو یقینی بنائے گی ۔ ویجیلنس سیل کے افسران حاضر سروس اور ریٹارئرڈ فوجی افسران ہوں گے۔

Facebook Twitter Google + Share on Whatsapp

صحت مندپنجاب پروگرام،پنجاب فوڈ اتھارٹی کی تمام اضلاع تک توسیع کی سمری منظور

متعلقہ عنوان :

مزید اہم خبریں