وفا قی وزیر داخلہ کے حکم پر اسلام آبادسپیشل انوسٹی گیشن یونٹ انسداد ڈکیتی ونگ کی کارروائی

اسلام آباد(اُردو پوائنٹ اخبارتازہ ترین - این این آئی۔ 24 جنوری2017ء) وفا قی وزیر داخلہ چوہدری نثار علی خا ن کے احکا ما ت کی روشنی میں ایس ایس پی آ پر یشنز اسلام آ باد ساجد کیا نی نے ایس پی انوسٹی گیشن کیپٹن (ر) محمد الیا س کی زیر نگر انی ڈی ایس پی سی آئی اے بشیر احمد نون ، طارق رؤف SI، ذوالفقاراے ایس آئی معہ کنسٹیبلا ن غلام مصطفیٰ،شیر خان، سمیع اللہ اور سکندر علی پر مشتمل خصوصی ٹیم تشکیل دی ۔

پولیس ٹیم نے انتہائی قلیل وقت میں وزارت داخلہ کرائسس مینجمٹ سیل کا ڈائیر یکٹر ظاہر کر کے لوگوں سے نوکری کے عوض لاکھوں روپے بٹورنے والا ملزم محمد عابد ولد محمد عبداللہ قوم کشمیری بٹ ساکن بار مولا سری نگر مقبوضہ کشمیر حال مکان نمبر 61-A گلی نمبر 126 سیکٹرG-7/3 اسلام آباد کو گرفتار کر لیا۔

(جاری ہے)

ملزم کے قبضہ سے ملازمان کو نوکری کے لیے جاری کیے گیے جعلی سروس بکس 07 عدد، سیکورٹی کارڈ،وزارت داخلہ، 02 عدد سروس کارڈ ، فوٹو کاپی 01 عدد، Appointment لیٹر 03 عدد، شوکاز نوٹس و پوسٹنگ ٹرانسفر آرڈر کی ایک ایک کاپی برآمد کر لی۔

ابتدائی تفتیش کے دوران ملزم بالا نے ذیل واردات ہائے کا انکشاف کیا ہے۔ ملزم نے دوران تفتیش انکشاف کیا کہ وہ وزارت داخلہ کا سابقہ نائب قاصد ہے جو کہ جنوری 2015 ء میں ملازمت سے برخاست /ڈسمس ہو چکا ہے جس نے اپنے آپ کو ڈائریکٹر کرائسس سیل ظاہر کرکے نوکری دینے کے عوض مختلف لوگوں سے مختلف رقوم ایک لاکھ دس ہزار سے لے کر تین لاکھ ساٹھ ہزار روپے فی کس لئے اور ان کو جعلی Appointment لیٹر برائے مختلف پوسٹس جاری کئے اور اپنا دفتر چھٹہ بختاور میں ایک مکان لے کر بنایا اور میز کرسیاں لگا کر لوگوں کو ادھر ہی مختلف ذمہ داریاں سونپیں جس کی بابت ان جعلی سروس بک تیار کی گئیں ان عارضی سیکیورٹی پاس دئیے گئے پوسٹنگ/ٹرانسفر آرڈر اور شو کاز نوٹسز بھی جاری کئے جاتے، دفتر میں مختلف عہدیداروں کی مہریں بھی بنایے گئیں اور اسلام آباد /راولپنڈی کے مختلف علاقوں میں شراب فروشوں،اسلحہ ڈیلرز اور بروتھل ہاوسز کی بابت ڈیوٹی لگائی کہ ان کی تفصیلات حاصل کریں۔

ملازمین کو تنخواہیں AGPR سے بل منظور ہونے کے بعد ادا ہونے کا بتایا گیا۔ وہاں دفتر باقاعدہ معمول کے مطابق مختلف شفٹوں میں چلایا گیا حسب الحکم افسران بالا سپیشل ٹیم نے مذکورہ جعلی ڈائر یکٹر کو انتہائی قلیل وقت میں ٹریس کر کے گرفتار کر لیا متاثرین کی ایک بڑی تعداد سامنے آرہی ہے ملزم کے خلاف کاروائی حسب ضابطہ عمل میں لائی جارہی ہے مقدمہ تھا نہ شہزاد ٹاون میں درج کر کے ملزم کا مجا ز عدالت سے چار یو م ریما نڈجسما نی حا صل کر لیا۔مزید تفتیش جا ری ہے۔