پاکستان اور آسٹریلیا کے درمیان تعلیم رابطوں کا اہم ذریعہ ہے ،ْ آسٹریلین ہائی کمشنر

آسٹریلیا کے تعلیمی اداروں میں پاکستانیوں کی تعداد میں روز بروز اضافہ انتہائی حوصلہ افزاء ہے ،ْ مار گریٹ ایڈمسن

جمعہ 20 جنوری 2017 21:32

اسلام آباد (اُردو پوائنٹ اخبارتازہ ترین - این این آئی۔ 20 جنوری2017ء) پاکستان میں متعین آسٹریلین ہائی کمشنر مارگریٹ ایڈمسن نے کہا ہے کہ پاکستان اور آسٹریلیا کے درمیان تعلیم رابطوں کا اہم ذریعہ ہے،آسٹریلیا کے تعلیمی اداروں میں پاکستانیوں کی تعداد میں روز بروز اضافہ انتہائی حوصلہ افزاء ہے۔

(جاری ہے)

جمعہ کو یہاں آسٹریلیا میں پبلک ہیلتھ،گورننس،مائننگ،آبی وسائل،مینجمنٹ،ایگریکلچر،رورل ڈویلپمنٹ، ایگری بزنس کے شعبوں میں تعلیم مکمل کرنے والے 107پاکستانی ماسٹر گریجویٹس اور 40شارٹ کورس گریجویٹس میں تعریفی اسناد تقسیم کرنے کی تقریب سے خطاب کرتے ہوئے کہی۔

چیئرمین ہائیر ایجوکیشن کمیشن ڈاکٹر مختار احمد نے اس موقع پر آسٹریلیا ایوارڈز پروگرام کے ذریعے پاکستان کی ترقی میں آسٹریلیا کے تعاون کو خیر مقدم کیا۔ڈاکٹر مختار نے کہا کہ آسٹریلیا ان ایوارڈز کے زریعے پاکستانی پروفیشنلز کو موقع فراہم کر رہا ہے۔دونوں ملک تعلیمی سیکٹر میں تعاون کر رہے ہیںآسٹریلیا ایوارڈز آسٹریلین حکومت کی پاکستان کیساتھ طویل المدتی امدادی پارٹنرشپ کا مرکزی ستون ہے۔