کئی دہائیوں پہلے کھولے گئے سیکٹر آئی11 کو بری طرح نظر انداز کیا جاتا رہا ، سیکٹر کی ڈویلپمنٹ میں حائل تمام رکاوٹوں کو فوری طور پر ترجیحی بنیادوں پر دور کیا جائے گا اور آج اس سیکٹر کی ڈو یلپمنٹ کی راہ میں حائل آخری رکاوٹ حذف شدہ پلاٹوں کے متبادل پلاٹوں کی بذریعہ قرعہ اندازی الاٹمنٹ کے بعد دور کر دیا گیا ہے
میئر اسلام آباد و چیئرمین سی ڈی اے شیخ انصر عزیز کاجناح کنونشن سینٹر میں تقریب سے خطاب
جمعرات 19 جنوری 2017 21:40
(جاری ہے)
یہ پلاٹ سیکٹر آئی11- کے ان الاٹیوں کو دیئے گئے ہیں جن کے پلاٹس نالوں یا اونچی نیچی جگہوں پر تھے یا سیکٹر کی لے آئوٹ پلاننگ کے باعث ختم ہو گئے تھے ان پلاٹوں کے متبادل کے طور پر 142 الاٹیوں کو بذریعہ قرعہ اندازدی یہ پلاٹ دیئے گئے ہیں۔
دوسرے مرحلے میں 25 جنوری 2017 ء کو ایسے الاٹی جن کے کارنر پلاٹس تھے کی قرعہ اندازی کر کے کارنر پلاٹ دیئے جائیں گے۔ یہ قراعہ اندازی جمعرات کے روز جناح کنونشن سنٹر میں کی گئی۔ قراعہ اندازی مئیر اسلام آباد و چیئر مین سی ڈی اے شیخ انصر عزیز کی موجودگی میں ممبر پلاننگ اینڈ ڈیزائن اسد محبوب کیانی کی سربراہی میںخصوصی طور پر تشکیل دی گئی ایک کمیٹی نے کی۔یہ کمیٹی ڈپٹی ڈی جی فنانس ، ڈپٹی ڈی جی اسٹیٹ، ڈائریکٹر ریجنل پلاننگ اور ڈائر یکٹر اسٹیٹ مینجمنٹ ویسٹ پر مشتمل تھی۔شفافیت کے عمل کو یقینی بنانے کے لیے قرعہ اندازی کے لیے مینوئل طریقہ کار کو اپنایا گیا ۔جس کے لیے دو مختلف ڈبوں میں پرچیاں رکھی گئیں ۔ میئر اسلام آباد و چیئرمین سی ڈی اے شیخ انصر عزیز کے علاوہ موجود الاٹیوں کی کثیر تعداد نے پرچیاں اٹھا کر قرعہ اندازی کی۔ میئر اسلام آباد و چیئرمین سی ڈی اے شیخ انصر عزیز نے کہا ہے کہ اسلام آباد کی تعمیر و ترقی کی ذمہ داری منتخب نمائندوں کو سونپے جانے کے بعد شہریوں کے تمام دیرینہ مسائل حل ہونا شروع ہو گئے ہیں انہوں نے کہا کہ موجودہ انتظامیہ نے جب اسلام آباد کی تعمیر و ترقی کی باگ ڈور سنبھالی تو اسوقت تمام شعبے بالخصوص کئی دہائیوں پہلے کھولے گئے سیکٹرز کی ڈیویلپمنٹ کے کام تعطل کا شکار تھے جس سے ان سیکٹروں کے الاٹیوں میں مایوسی پائی جاتی تھی۔انہوں نے کہا کہ اسلام آباد میں بڑھتی ہوئی رہائشی ضروریات کو پورا کرنے کے لیے موجودہ انتظامیہ نے جہاں نئے سیکٹر کھولنے کا فیصلہ کیا وہاں زیرِ التواء سیکٹر زمیں تعمیراتی کام کے فوری اجراء میں حائل رکاوٹوں کو دور کرنے کے لیے ٹھوس اور جامع اقدامات کیے جس کے ثمرات نظر آنا شروع ہو گئے ہیں۔ انہوں نے کہا کہ دیگر کئی سیکٹروں کی طرح سیکٹر آئی 11-بھی کئی دہائیاں پہلے کھولا گیا تاہم اس کی ڈویلپمنٹ کے لیے کوئی خاطر خواہ اقداما ت نہ کیے گئے جس کی وجہ سے اس سیکٹر کے الاٹی جن میں کثیر تعدا د چھوٹے ملازمین پر مشتمل ہے انتہائی مایوسی اور پریشانی کا شکار تھے۔ اس لیے یہ فیصلہ کیا گیا کہ اس سیکٹر کی ڈویلپمنٹ میں حائل رکاوٹوں کو فوری طور پر حل کیا جائے تاکہ سیکٹر آئی11- میں بھی ترقیاتی کاموں کا اجراء کیا جا سکے۔ انہوں نے کہا کہ جب انہیں بتایا گیا کہ سیکٹر آئی 11- میں دیگر مسائل کے علاوہ ایک مسئلہ الاٹیوں کو متبادل پلاٹس کی الاٹمنٹ بھی ہے۔ میں نے متعلقہ شعبوں کو ہدایات جاری کیںکہ جلد از جلد متبادل پلاٹس کی الاٹنمنٹ کر دی جائے تاکہ یہاں کے الاٹی ترقیاتی کام مکمل ہونے کے بعد اپنا گھر تعمیر کر سکیں۔ انہوں نے کہا کہ سیکٹر آئی11- کی ڈویلپمنٹ کی راہ میں حائل آج آخری رکاوٹ کو بھی دور کر دیا گیا ہے جس کے بعد فوری طور پر سیکٹر میں ترقیاتی کام شروع کر دیئے جائیں گے۔ انہوں نے قرعہ اندازی کے لیے تشکیل دی گئی کمیٹی کی طرف سے شفاف اور کامیاب قرعہ اندازی منعقد کروانے کے لیے کیے جانے والے اقدامات کو سراہا۔قبل ازیں میئر اسلام آباد و چیئرمین سی ڈی اے شیخ انصر عزیز کو بتایا گیا کہ سیکٹر آئی11/2 میں سڑکوں کی تعمیر ،قبرستان اور قدرتی نالے کی وجہ سے یہ پلاٹ متاثر ہوئے جن کے بدلے متبادل پلاٹ دینے کا فیصلہ کیا گیا۔ میئر اسلام آباد کو یہ بھی بتایا گیا کہ متاثرہ الاٹیوں کو متبادل پلاٹ الاٹ کیے جانے کے بعد اب سیکٹر آئی 11- کی ڈویلپمنٹ کی راہ میں کوئی رکاوٹ نہیں رہی اس لیے اب بہت جلد اس پر تعمیراتی کام شروع کر دیا جائے گا۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.