پاکستان نے دہشت گردی کے خلاف جنگ میں بہت قربانیاں دی ہیں ، عالمی سطح پربھی سراہا جا رہا ہے،پاکستان دوسرے ممالک کے معاملات میں عدم مداخلت کی پالیسی پر عمل پیرا ہے
بھارت پاکستان کو سفارتی لحاظ سے عالمی سطح پر تنہا کرنے میں ناکام ہو گیا ہے وزیراعظم کے معاون خصوصی سید طارق فاطمی کی ٹی وی پروگرام میں گفتگو
ہفتہ 14 جنوری 2017 23:59
اسلام آباد ۔ (اُردو پوائنٹ اخبارتازہ ترین - اے پی پی۔ 14 جنوری2017ء) وزیراعظم کے معاون خصوصی برائے امور خارجہ سید طارق فاطمی نے کہا ہے کہ پاکستان کی پالیسی دوسرے ممالک کے معاملات میں عدم مداخلت کی پالیسی ہے جس پر ہم عمل پیرا ہیں، پاکستان امریکہ سمیت تمام ممالک کے ساتھ بہتر تعلقات چاہتا ہے۔ ان خیالات کا اظہار انہوں نے ہفتے کو پاکستان ٹیلی ویژن کے ایک پروگرام ’’سچ تو یہ ہے‘‘ میں گفتگو کرتے ہوئے کیا۔
انہوں نے کہا کہ صدور کی تقریب حلف برداری میں بیرونی ممالک کے سربراہان کو بلانے کی امریکہ کی پالیسی نہیں لیکن نجی حیثیت سے کسی کو بھی بلایا جا سکتا ہے۔(جاری ہے)
انہوں نے کہا کہ وزیراعظم محمد نواز شریف ہمسائیوں کے ساتھ پرامن پالیسی پر یقین رکھتے ہیں اور یہی وجہ ہے کہ پاکستان کئی ممالک سے بہتر تعلقات کے ساتھ آگے بڑھ رہا ہے ، معاون خصوصی کا کہنا تھا کہ پاکستان نے دہشت گردی کے خلاف جنگ میں بہت قربانیاں دی ہیں جنہیں عالمی سطح پر سراہا بھی جا رہا ہے، ملک سے دہشت گردی کے جڑ سے خاتمے کے لیے آپریشن ضرب عضب شروع کیا گیا جو کامیابی سے جاری ہے، انہوں نے کہا کہ پاکستان نے افغانستان کو یقین دلایا ہے کہ ہم اپنی سرزمین کسی کے خلاف بھی استعمال نہیں ہونے دیں گے، ایک سوال کے جواب میں انہوں نے کہا کہ بھارت پاکستان کو سفارتی لحاظ سے عالمی سطح پر تنہا کرنے میں ناکام ہو گیا ہے، طارق فاطمی کا کہنا تھا کہ عالمی برادری اور کچھ بھارتی دانشور بھی اس بات کو مانتے ہیں کہ مقبوضہ کشمیر کی تحریک آزادی کشمیر یوں کی اپنے حق خود ارادیت کی اپنی ایک تحریک ہے، وزیراعظم محمد نواز شریف ہر اہم عالمی فورم پر مسئلہ کشمیر کو بھرپور طریقے سے اجاگر کر رہے ہیں تاکہ کشمیریوں کو ان کا بنیادی حق حق خود ارادیت مل سکے، ایک اورسوال کے جواب میں انہوں نے کہا کہ سعودی عرب اور ایران کے مابین کشیدگی کے خاتمے میں پاکستان نے کلیدی کردار ادا کیا، ایک اور سوال کے جواب میں انہوں نے کہا کہ پاکستان میں سرمایہ کاری سمیت چین پاکستان کی متعدد شعبوں میں رہنمائی بھی کر رہا ہے جس سے آنے والے چند سالوں میں یہاں واضح تبدیلی نظر آئے گی اور ملک مزید ترقی کرے گا۔
متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.