وزیر اعظم کا پانامہ کیس سے تعلق نہیں، عمران خان جھوٹ، الزامات اور احتجاجی سیاست کے بادشاہ ہیں،مریم اورنگزیب
چیئرمین پی ٹی آئی کا مقصد پاکستان کے اندر بہتری لانا نہیں ،ملک کی ترقی ،خوشحالی کے ہر منصوبے میں تاخیر کرانا ہے محمد نواز شریف ملک کے تیسری دفعہ منتخب وزیر اعظم ہیں ،ملک کو ایٹمی پروگرام، انفراسٹرکچر ڈویلپمنٹ، ہیلتھ کیئر پروگرام، پہلی انٹرنل نیشنل سیکورٹی پالیسی دی ،تعلیمی اصلاحات پروگرام کے تحت معیار تعلیم کو بلند کیا، ملک کو ترقی، خوشحالی اور معاشی استحکام دیا، وزیر مملکت اطلاعات کی میڈیا سے گفتگو
جمعرات 12 جنوری 2017 23:14
(جاری ہے)
انہوں نے کہا کہ پاناما پیپرز میں جس پراپرٹی کا ذکر آیا ہے اس کا تعلق منی لانڈرنگ ،ٹیکس چوری ، اثاثے چھپانے اور پاکستانی قوم کا پیسہ لوٹنے سے نہیں ہے ، یہی وہ چار جھوٹے الزامات ہیں جس پر عمران خان پہلے دن سے ہی سیاست کرنے کی کوشش کر رہے ہیں ، انہوں نے کہا کہ محمد نواز شریف تیسری مرتبہ اس ملک کے منتخب وزیر اعظم بنے ہیں جنہوں نے ملک میں سی پیک اور توانائی کے منصوبہ شروع کیے ، ملک کی ترقی اور خوشحالی وزیر اعظم محمدنواز شریف کی اولین ترجیح ہے ، انہوں نے کہا کہ وزیر اعظم ترقی اور خوشحالی کے سفر کو آگے بڑھانے کیلئے تعلیم اور معیشت سمیت تمام شعبوں پر اپنی توجہ مرکوز کر رہے ہیں، انہوں نے کہا کہ وزیر اعظم تعلیمی اصلاحات پروگرام کے ذریعے ملک کی تاریخ میں پہلی مرتبہ معیاری تعلیم پر توجہ مرکوز کی گئی ہے۔
انہوں نے کہا کہ عمران خان کو اچھی طرح سے معلوم ہے کہ وہ ان کاموں میں وزیر اعظم کا مقابلہ نہیں کرسکتے کیونکہ ان کا مقصد پاکستان کی ترقی اور خوشحالی کے سفر کو روکنا ہے، انہوں نے کہا کہ عمران خان کو معلوم ہے کہ وہ صرف جھوٹ، الزامات اور احتجاجی سیاست کے بادشاہ ہیں ، انہوں نے کہا کہ وہ خان صاحب کو باور کرانا چاہتی ہوں کہ پاکستان اقتصادی ترقی ، خوشحالی ، امن اور سلامتی کے شعبوں میں پیچھے کی طرف نہیں بلکہ آگے کی طرف بڑھے گا۔ ایک سوال پر وزیر مملکت نے کہا کہ قوم کو اچھی طرح سے معلوم ہے کہ کون سچ بول رہا ہے اور کون جھوٹا ہے اور جو الزامات ثابت نہیں ہوتے وہ جھوٹے ہوتے ہیں ۔ انہوں نے کہا کہ پاناما کیس میں تحریک انصاف نے پورا کیس ان دستاویزات پر لڑا ہے جو ہم نے ہی عدالت عظمیٰ میں جمع کرائے ہیں ۔انہوں نے کہا کہ عمران خان اور تحریک انصاف کی جانب سے چار الزامات لگائے گئے تھے تاہم اب وہ اپنے الزامات کو چھوڑ کر پارلیمان میں وزیر اعظم کی تقریر پر آچکے ہیں ،قوم اور میڈیا کو بھی معلوم ہوا ہے کہ بغیر کسی الزام اور ثبوت کے ملک کے تیسری مرتبہ منتخب وزیر اعظم پر الزامات لگائے گئے ہیں، انہوں نے کہا کہ ان الزامات کی بنیاد پر قبل ازیں پورے ملک اور دارالحکومت کی لاک ڈائون کی کوشش کی گئی ، اس سے پہلے ساڑھے تین سال تک دھاندلی کی گردان الاپتے رہے اور پارلیمنٹ کا بائیکاٹ بھی ہوا لیکن انتخابات میں دھاندلی کے الزامات بھی جھوٹ ہی ثابت ہوئے ہیں ، انہوں نے کہا کہ عمران خان اور تحریک انصاف کا مقصد پاکستان میں بہتری لانا نہیں بلکہ ملک کی ترقی اور خوشحالی کے ہر منصوبے کو روکنا اور اس میں تاخیری حربے استعمال کرنا ہے ۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.