پاکستان تحریک انصاف کا اکبر بلوچ اوراصغر بلوچ کی گرفتاری کے خلاف احتجاجی مظاہرہ

بدھ 11 جنوری 2017 21:58

حیدر آباد ۔ (اُردو پوائنٹ اخبارتازہ ترین - اے پی پی۔ 11 جنوری2017ء) پاکستان تحریک انصاف کی جانب سے کارکنان اکبر بلوچ اور اصغر بلوچ کی گرفتاری کے خلاف پریس کلب اور ایس ایس پی آفس کے سامنے احتجاجی مظاہرہ کیا گیا‘ اس موقع پر مشتعل افراد نے پولیس کے خلاف اور گرفتار کارکنان نے آزادی کے لئے شدید نعرے بازی کی‘ احتجاج کی قیادت پی ٹی آئی حیدرآباد ریجن کے صدر خاوند بخش جیجواور دیگر نے کی اس موقع پر پولیس کی جانب سے ایس ایس پی دفتر سے حیدرآباد پریس کلب تک جانے والے سڑک کو خاردار تاریں لگاکر بند کردیا‘ جبکہ تحریک انصاف کے کارکنان کو کینٹ تھانہ کی پولیس نے ایس ایس پی آفس کے باہر احتجاج کرنے سے روکنے کی کوشش کرتی رہی میڈیا سے بات چیت کرتے ہوئے خاوند بخش اور دیگر نے کہا کہ حیدرآباد پولیس کو تنقید کا نشانہ بنایاانہوں نے کہاکہ ہمارے کارکنوں کو رہا کیا جائے۔