پاناماکیس کرپشن کے تابوت میں آخری کیل ہے،میاں محمود الرشید
تازہ ترین : 1
پاناماکیس کرپشن کے تابوت میں آخری کیل ہے،میاں محمود الرشید

پاناماکیس کرپشن کے تابوت میں آخری کیل ہے،میاں محمود الرشید

امید ہے سپریم کورٹ جلد کیس کافیصلہ سنائے گی،جس کاپوری قوم انتظار کررہی ہے،قائد حزب اختلاف پنجاب اسمبلی کی گفتگو

لاہور (اردوپوائنٹ اخبارتازہ ترین۔11جنوری2017ء):پنجاب اسمبلی میں قائد حزب اختلاف میاں محمود الر شید نے کہا کہ ملکی ترقی میں دھرنے نہیں حکمرانوں کی کرپشن اور کمیشن رکاوٹ رہی، وزیر اعظم کے خطاب پر اپنے ردعمل میں انہوں نے کہا کہ اندھیروں کا ذمہ دار ماضی کی حکومتوں کو ٹھہرانا دراصل اپنی خامیوں کو چھپانا ہے، پا نا ما کیس کرپشن کے تابوت میں آخری کیل ہے جب کہ امید ہے سپریم کورٹ جلد کیس کا فیصلہ سنائے گی اور وہ فیصلہ دے گی جس کا پوری قوم انتظار کر رہی ہے۔

پنجاب اسمبلی میں صحافیوں سے بات چیت کرتے ہوئے میاں محمود الر شید نے لاہور کے علاقے محمود بوٹی میں واقع دفتر میں آگ سے ہونے والی سات ہلاکتوں پر اظہار افسوس کیا۔ انکا کہنا تھا کہ مذکورہ دفتر میں اور نج ٹرین منصوبے پر کام ہو رہا تھا اور مرنے والے مزدور ہیں، جلد باز اور نج ٹرین منصوبہ پہلے ہی دو درجن کے قریب افراد کی زندگیاں نگل گیا آخر کب تک غریب مرتا رہے گا۔

انہوں نے کہا کہ ان ہلاکتوں کے ذمہ ذار وزیر اعلیٰ پنجاب ہیں اور ان پر ہی اسکا مقدمہ درج کیا جائے۔ میاں محمود الر شید نے حکومت پنجاب سے مطالبہ بھی کیا کہ انسانوں کو اپنی ترجیح بنائیں نا کہ سڑکوں پلوں کو۔ ایک سوال کے جواب میں اپوزیشن لیڈر میاں محمود الر شید نے کہا کہ جتنی لاقانونیت، جرائم، کرپشن بدترین گڈ گورننس پنجاب میں ہے اتنی کہیں نہیں۔

ہسپتالوں میں لوگ مر رہے ہیں، ادویات نہیں مل رہیں، والدین اپنے بچوں کو سرکاری سکولوں سے پرائیوٹ تعلیمی اداروں میں داخل کرا رہے ہیں ایک سال میں 25ہزار طلبہ نے سرکاری سکول چھوڑے، کرپشن میں صوبے کا پہلا نمبر ہے، یوں تو وزراء کی فوج ہے لیکن عوام کو ایک دھیلے کا ریلیف نہیں مل رہا۔ میاں محمود الر شید نے کہا کہ جب تک وسائل عوام پر خرچ نہیں ہونگے تب تک گڈ گورننس صرف دعوؤں تک محدود رہے گی لٰہذا حکومت کو اپنی ترجیحات بدلنا ہونگی۔

مزید متعلقہ خبریں پڑھئیے‎ :

وقت اشاعت : 11/01/2017 - 18:48:44

اپنی رائے کا اظہار کریں