آصف زردار ی ،بلاول کا پارلیمنٹ میں جانے کااعلان ،15روز گزرنے کے باوجود این اے ..
تازہ ترین : 1

آصف زردار ی ،بلاول کا پارلیمنٹ میں جانے کااعلان ،15روز گزرنے کے باوجود این اے 204اور 207کے ارکان اسمبلی نے استعفیٰ نہیں دیا

کراچی (اُردو پوائنٹ اخبارتازہ ترین۔ 11 جنوری2017ء) پاکستان پیپلز پارٹی کے چیئرمین بلاول بھٹو زرداری اور پاکستان پیپلز پارٹی پارلیمنٹرینز کے صدر آصف علی زرداری کے پارلیمنٹ میں جانے کے اعلان کو 15 روز گزرجانے کے باوجود نہ تو این اے 204 خالی ہوئی اور نہ ہی این اے 207 سے استعفیٰ آیا۔ راتوں رات انٹراپارٹی الیکشن کرانے والے جیالے قائدین ضمنی الیکشن میں جانے سے گریزاں ہیں۔

ذرائع کے مطابق رکن قومی اسبلی ایاز سومرو استعفیٰ کیا دیتے،آصف زرداری کی ہمشیرہ عذرا فضل بھی مستعفی نہیں ہوئیں۔ پیپلزپارٹی اور پارلیمنٹرینزکا اتحاد ہوگیا ہے۔ پیٹریاٹ کے لیڈر بھی ساتھ مل گئے مگر زرداری اور بلاول بھٹو انتخابی اور پارلیمانی سیاست سے تاحال دور ہیں۔ ذرائع کے مطابق ضمنی الیکشن میں جانے سے پہلے جیالوں کے قائدین پانامہ کیس کے فیصلے کے منتظر ہیں۔
وقت اشاعت : 11/01/2017 - 18:16:13

متعلقہ عنوان :

اپنی رائے کا اظہار کریں