مسجد نبوی (ص) پر حملے کا مسٹر مائند جہنم واصل کر دیا گیا

muhammad ali محمد علی اتوار 8 جنوری 2017 01:41

مسجد نبوی (ص) پر حملے کا مسٹر مائند جہنم واصل کر دیا گیا

ریاض (اردو پوائنٹ تازہ ترین اخبار 7جنوری ۔2017ء) مسجد نبوی (ص) پر حملے کا ماسٹر مائنڈ جہنم واصل کر دیا گیا ہے۔ تفصیلات کے مطابق ہفتے کے روز سعودی عرب کے دارلحکومت ریاض میں سیکورٹی فورسز کی کاروائی میں 2 دہشت گرد ہلاک کر دیے گئے تھے۔ اب معلوم ہوا ہے کہ ان دہشت گردوں میں ایک انتہائی مطلوب تھا۔

(جاری ہے)

السیاری نامی ہلاک کیا گیا یہ دہشت گرد مسجد نبوی (ص) پر گزشتہ برس ہونے والے حملے میں ملوث تھا۔ جبکہ سعودی عرب میں ہونے والی دیگر کئی دہشت گرد حملوں کا ماسٹر مائنڈ بھی یہی دہشت گرد تھا۔ السیاری کے پاس سعودی شہریت ہی تھی تاہم اس نے اعلی تعلیم نیوزی لینڈ سے حاصل کی تھی جس کے بعد وہ شام میں دہشت گرد تنظیم داعش میں شامل ہو گیا تھا۔