وزیر اعلی کی زیر صدارت سپورٹس بورڈ پنجاب کی جنرل باڈی کا پہلا اجلاس ، کھیلوں کے فروغ کیلئے متعد د فیصلوں کی منظوری ،ْوزیر اعلی پنجاب کا سپورٹس انڈومنٹ فنڈ میں ایک ارب روپے اضافے کا اعلان ، فنڈ کا حجم ایک ارب 30 کروڑ ہو جائیگا ،ْخادم پنجاب سپورٹس ٹیلنٹ ہنٹ پروگرام شروع کرنے کے فیصلے کی بھی منظوری ،پنجاب میں سپورٹس اکیڈمی بھی بنائی جائے گی ،ْ نوجوان ہمارا قیمتی اثاثہ ہیں،پاکستان کی 60فیصد سے زائدآبادی نوجوانوں پر مشتمل ہے، محمدشہباز شریف
ہفتہ 7 جنوری 2017 22:48
(جاری ہے)
وزیر اعلی محمد شہباز شریف اجلاس سے خطاب کرتے ہوئے کہا کہ سپورٹس انڈومنٹ فنڈ میں اضافے سے کھیلوں کے فروغ میں مدد ملے گی اور اس فنڈ کی آمدن سے مختلف کھیلوں میں پاکستان کا نام روشن کرنیوالے کھلاڑیوں کو ماہانہ وظائف دئیے جائیںگے۔
انہوںنے کہا کہ عالمی سطح پر پاکستان کاپرچم بلند کرنے والے کھلاڑی قوم کے ہیروہیں اور ان کھلاڑیوں کی مالی مشکلات کو دور کرنا اور دیکھ بھال ہماری ذمہ داری ہے -انہوںنے کہا کہ نوجوان پاکستان کا روشن مستقبل اورہمارا قیمتی اثاثہ ہیںاورپاکستان کی 60فیصد سے زائدآبادی نوجوانوں پر مشتمل ہے -انہیں زیادہ سے زیادہ بااختیار بنا نا ہماری ذمہ داری ہے -جتنی ہم نوجوانوں پرسرمایہ کاری کریں گے اتنا ہی نوجوان بااختیار بنیں گے۔انہوںنے کہا کہ کھیلوں کی سرگرمیوں کے فروغ کیلئے جامع پالیسی بنا کر اس پر فوری طورپر عملدرآمد کرناہے -وزیر اعلی نے کہا کہ نچلی سطح پر ٹیلنٹ کو تلاش کرنے کیلئے کھیلوں کی سرگرمیوں کو ہر سطح پر فروغ دیا جائے گا۔پاکستان کے کھلاڑیوں نے مختلف کھیلوں میں ملک وقوم کا نام روشن کیا ہے اوران کھلاڑیوں کی خدمات سے استفادہ کر کے کھیلوں کی سرگرمیوں کوفروغ دیا جائے گا-انہوںنے کہا کہ صوبے کے گلی محلوں میں بے پناہ ٹیلنٹ موجود ہے اوراس ٹیلنٹ کو نکھار کر آگے لیجانے کی ضرورت ہے -سابق کھلاڑیوں کی مشاورت سے نئے ٹیلنٹ کو سامنے لائیں گی-وزیر اعلی نے کہا کہ صوبے میں 66پلے گراؤنڈز کو رواں برس ڈویلپ کیا جائے گااور ان 66پلے گراؤنڈ زمیں 42گراؤنڈ کرکٹ کے کھیل کیلئے مختص کیے جائیں گی-تعلیمی اداروں میں موجود بڑے پلے گراؤنڈزکو بھی ڈویلپ کریںگے اوران پلے گراؤنڈز میں رات کو کھیلوں کے مقابلوں کا انعقاد کرانے کیلئے فلڈ لائٹس لگائی جائیں گی-انہوں نے کہا کہ پنجاب میں سپورٹس اکیڈمی بنائی جائے گی۔سپورٹس اکیڈمی کے قیام کیلئے ضروری اقدامات کرنے کی ہدایت کرتے ہوئے وزیر اعلی نے کہا کہ مختلف کھیلوں کے فروغ اور بچوں و بچیوں کو تربیت دینے کیلئے پیشہ وارانہ کوچز کی خدمات حاصل کی جائیں اورپلے گراؤنڈز میں کھیلوں کی سرگرمیوں کی سہولتیں فراہم کرنے کیلئے پبلک پرائیویٹ پارٹنر شپ کا بھی جائزہ لیا جائی-وزیر اعلی نے سپورٹس کے پروگراموں کو جامع طریقے سے آگے بڑھانے کیلئے سب کمیٹیاں تشکیل دینے کی ہدایت کرتے ہوئے کہا کہ ان کمیٹیوں میں متعلقہ کھیلوں کے ماہر کھلاڑیوں کو شامل کیا جائے گااور یہ کمیٹیاں شارٹ،میڈیم اورلانگ ٹرم اقدامات تجویز کریں گی-کمیٹیاں آج ہی سے اپنے کام کا آغاز کریں تاکہ نوجوانوں کو بااختیار بنانے کیلئے بلاتاخیر فیصلے کر کے اقدامات کیے جائیں-سیکرٹری سپورٹس اورڈی جی سپورٹس بورڈ پنجاب نے کھیلوں کی سرگرمیوں کے فروغ کے حوالے سے کیے جانیوالے اقدامات پر بریفنگ دی-صوبائی وزراء جہانگیر خانزادہ ،رانا مشہود احمد ،سید رضاعلی گیلانی،مشیر ڈاکٹر عمر سیف ،ایم این اے شیزہ فاطمہ خواجہ ،انسپکٹر جنرل پولیس پنجاب،وائس چیئرمین سپورٹس بورڈ پنجاب حنیف عباسی،ایم پی اے میاں محمدمنیر، معروف کھلاڑیوں انتخاب عالم، خواجہ جنید اسلم،اویس اکبر،متعلقہ سیکرٹریزاور اعلی افسران نے اجلاس میں شرکت کی-مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.