سعودی دارالحکومت کے ائر پورٹ پر مسافر کی آنتوں سی ہیروئن کے 90 کیپسولز برآمد

بدھ 4 جنوری 2017 14:51

جدہ ۔ (اُردو پوائنٹ اخبارتازہ ترین - اے پی پی۔ 04 جنوری2017ء) سعودی عرب کے جیزان بارڈر گارڈز نے نصف ٹن حشیش برآمد کر کے اپنے قبضہ میں لے لی جو کہ سمندری راستہ سے اندرون ملک سمگل ہو نا تھی جبکہ کسٹمز حکام نے ریاض ائر پورٹ پر ایک مسافر کی آنتوں میں چھپائے گئی ہیروئن کے 90 کیپسولز کا پتہ چلالیا ۔

(جاری ہے)

بدھ کو ذرائع ابلاغ کے مطابق بارڈر گارڈز میرین کے کرنل ساحر بن محمد الحربی نے بتایا کہ مچھلیاں پکڑنے والی کشتی نے سعودی پانیوں میں داخل ہونے کی کوشش کی جس پر گشت کرنے والے متعلقہ ا ہلکار اس کشتی میں داخل ہوئے جس کے بعد کشتی کی تلاشء کے دوران نصف ٹن ہیروئن بر آمد ہوئی جس پر اس کشتی میں سوار تین یمنی باشندوں کو گرفتار کر لیا گیا ۔

دریں اثناء کنگ عبدالعزیز انٹرنیشنل ائر پورٹ کے کسٹمز ڈائریکٹر سلطان الفہد نے بتایا کہ ایک مشتبہ مسافر کو روک کر اس کے منشیات کی موجودگی کے حوالہ سے ٹیسٹ لئے گئے جس کے بعد اس کی آنتوں میں سے ہیروئن کے 90 کیپسولز بر آمد کر لئے گئے ۔اور اس شخص کو گرفتار کر لیا گیا ۔

متعلقہ عنوان :