آسٹریلوی وزیراعظم کا پاک آسٹریلیا کرکٹ ٹیموں کے اعزاز میں ظہرانہ

میلکم ٹرن بل نے دونوں ٹیموں کا استقبال کیا اور ان کیلئینیک خواہشات کا اظہار کیا مصباح الحق اور سٹیو اسمتھ نے آسٹریلیا کے وزیراعظم کو اپنے دستخط شدہ بلے بطور تحفہ پیش کیے

اتوار 1 جنوری 2017 15:10

سڈنی (اُردو پوائنٹ اخبارتازہ ترین - آئی این پی۔ 01 جنوری2017ء) آسڑیلوی وزیراعظم نے پاکستان اور آسٹریلیا کی کرکٹ ٹیموں کے اعزاز میں ظہرانہ دیا۔ تفصیلات کے مطابق آسٹریلیا کے وزیراعظم میلکم ٹرن بل نے نئے سال کی آمد کے موقع پر پاکستان اور آسٹریلیا کی کرکٹ ٹیموں کو دوپہر کے کھانے پر مدعو کیا۔ میلکم ٹرن بل نے دونوں ٹیموں کا استقبال کیا اور ان کے لیے نیک خواہشات کا اظہار کیا۔

(جاری ہے)

اس موقع پر دونوں ٹیموں کے کپتانوں مصباح الحق اور سٹیو اسمتھ نے آسٹریلیا کے وزیراعظم کو اپنے دستخط شدہ بلے بطور تحفہ پیش کیے۔ پاکستان کرکٹ ٹیم وزیر اعظم سے ملاقات کے بعد آرام کیا جبکہ قومی ٹیم تیسرے ٹیسٹ کی پریکٹس (آج)پیر سے شروع کریگی۔ آسٹریلیا کو 3 میچز کی سیریز میں 0-2 کی برتری حاصل ہے۔کینگروز نے پہلا ٹیسٹ 39 رنز جبکہ دوسرا ٹیسٹ ایک اننگز اور18رنز سے اپنے نام کیا۔