پاک آسٹریلیا تیسرا ٹیسٹ (کل)سے سڈنی میں کھیلا جائیگا،میزبان کو سیریز میں فیصلہ کن2-0کی برتری حاصل

گرین کیپس کو سیریز میں وائٹ واش کی خفت سے بچنے کا چیلنج درپیش ،قومی ٹیم میں بڑے پیمانے پر تبدیلیوں کا امکان

اتوار 1 جنوری 2017 15:10

سڈنی (اُردو پوائنٹ اخبارتازہ ترین - آئی این پی۔ 01 جنوری2017ء) پاکستان اور آسٹریلیا کے درمیان تیسرا ٹیسٹ (کل)منگل سے سڈنی میں کھیلا جائے گا۔ گرین کیپس کو سیریز میں وائٹ واش کی خفت سے بچنے کا چیلنج درپیش ہے،جبکہ دونوں ٹیموں میں ایک ایک تبدیلی کا امکان ہے۔ شاہینوں اور کینگروز کے درمیان سڈنی کرکٹ گرائونڈ میں میدان سجے گا۔ پاکستان کی قیادت مصباح الحق اور آسٹریلیا کی سٹیو سمتھ کریں گے۔

زخم خوردہ شاہین کلین سویپ کی خفت سے بچنے کے لیے میدان میں اتریں گے۔

(جاری ہے)

کینگروز نے میلبورن میں ڈرامائی انداز میں کامیابی سمیٹ کر سیریز اپنے نام کی۔ گرین کیپس بائیس برس سے آسٹریلیا میں ٹیسٹ میچ نہیں جیت سکے ، پاکستان نے انیس سو پچانوے میں وسیم اکرم کی قیادت میں آسٹریلیا کو سڈنی میں چوہتر رنز سے ہرایا تھا۔ اس سے قبلبرسبین میں کھیلے گئے پہلے ٹیسٹ میں کینگروز نے 39 رنز سے، جب کہ میلبورن میں اننگز اور 18 رنز سے فتح حاصل کرکے سیریز 2-0 سے اپنے نام کرلی۔ذرائع کے مطابق تیسرے میچ میں پاکستانی ٹیم بھرپور تیاری سے میدان میں اترے گئی، جب کہ ٹیم میں بڑے پیمانے پر تبدیلیوں کا بھی امکان ہے، ذرائع کا مزید کہنا ہے کہ قومی ٹیم میں نئے بولرز کو آزمانے کا اشارہ دیا گیا ہے۔

Facebook Twitter Google + Share on Whatsapp

پاک آسٹریلیا تیسرا ٹیسٹ (کل)سے سڈنی میں کھیلا جائیگا،میزبان کو سیریز میں فیصلہ کن2-0کی برتری حاصل

گرین کیپس کو سیریز میں وائٹ واش کی خفت سے بچنے کا چیلنج درپیش ،قومی ٹیم میں بڑے پیمانے پر تبدیلیوں کا امکان

مزید کھیلوں کی خبریں