بالائی علاقوں میں سردی کے ڈیرے،اسکردومیں درجہ حرارت منفی آٹھ ہوگیا

آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا،محکمہ موسمیات

اتوار 1 جنوری 2017 13:30

اسلام آباد(اُردو پوائنٹ اخبارتازہ ترین - این این آئی۔ 01 جنوری2017ء) ملک کے بالائی علاقوں میں سردی نے ڈیرے جمالیے ۔ اسکردو میں پارہ منفی آٹھ ڈگری تک گرگیا۔ آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا۔تفصیلات کے مطابق محکمہ موسمیات نے تبایا کہ ملک کے اکثر علاقوں میں موسم سرد اور خشک ہے۔

(جاری ہے)

پنجاب کے میدانی علاقوں اور بالائی سندھ میں رات اورصبح کے اوقات میں شدید دھند کا سلسلہ جاری رہے گا۔

ملک کے شمالی علاقہ جات اور شمالی بلوچستان کے علاقے شدید سردی کی زد میں رہیں گے۔گزشتہ روز سب سے زیادہ سردی اسکردو میں پڑی جہاں درجہ حرارت منفی آٹھ ڈگری سینٹی گریڈ تک گرگیا۔ ہنزہ منفی چھ گوپس منفی پانچ، گلگت کالام منفی چار، استور پاراچنار منفی تین، مالم جبہ قلات بگروٹ میں منفی دو اور رسالپور میں درجہ حرارت منفی ایک ڈگری سینٹی گریڈ ریکارڈ کیا گیا۔