چین میں گردوں کی غیر قانونی پیوندکاری پر 16 افراد کو قید کی سزا
تازہ ترین : 1

چین میں گردوں کی غیر قانونی پیوندکاری پر 16 افراد کو قید کی سزا

بیجنگ ۔ یکم جنوری (اُردو پوائنٹ اخبارتازہ ترین۔ 01 جنوری2017ء) چین کے سرکاری ذرائع ابلاغ کا کہنا ہے کہ گردوں کی غیر قانونی پیوندکاری میں ملوث ہونے پر 16 افراد کو پانچ سال کی تک قید کی سزا سنائی گئی ہے۔خبررساں اداے شن ہوا کے مطابق ایک مقامی عدالت کا کہنا ہے کہ صحت کے شعبہ سے وابستہ افراد نے گردوں کی خرید وفروخت کے لیے انٹرنیٹ کا استعمال کیا۔

مجرمان میں دو ڈاکٹر، ایک نرس اور ایک بے ہوشی کے ڈاکٹر شامل ہیں اور عدالت کے مطابق یہ افراد خفیہ پیوندکاری میں ملوث رہے۔کئی برسوں تک چین میں سزائے موت دیے جانے والے قیدیوں کے اعضا دوسرے افراد کو عطیہ کیے جاتے رہے ہیں۔لیکن 2015 کے اغاز میں بیجنگ کا کہنا تھا کہ تھا کہ بین الاقوامی قوانین کی پاسداری کرتے ہوئے اس پر عمل درآمد روک دیا تھا۔

حکومت کی جانب سے کسی حد تک اعضا عطیہ دینے والے افراد کو رجسٹر کرکے کامیابی حاصل کی تھی لیکن ابھی بھی بہت سے افراد پیوندکاری کے منتظر ہیں۔چین میں اعضا عطیہ کرنے کرنے کی شرح دنیا میں کم ترین سطح پر ہے۔ بہت سے لوگ یہ خیال کرتے ہیں کہ جسم مقدس ہوتا ہے اور اپنے آبا و اجداد کو تقریم کو برقرار رکھتے ہوئے جسم کو ایسے ہی دفنانے پر یقین رکھتے ہیں۔

مزید متعلقہ خبریں پڑھئیے‎ :

وقت اشاعت : 01/01/2017 - 10:20:09

اس خبر پر آپ کی رائے‎

متعلقہ عنوان :