فوڈ اتھارٹی کے چھاپے،سویڈش ڈیری اور آدم فیکٹری سیل،30ہزار لیٹر دودھ اور180کلو پنیر تلف
جہلم کے قریب سویڈش ڈیری پروڈکشن یونٹ میںدودھ کی تیاری کے لئے کیمیکل استعمال کیا جارہا تھا
جمعرات 29 دسمبر 2016 21:13
(جاری ہے)
کبیروالہ میں نیسلے فیکٹری کی چیکنگ کے دوران 9پراڈکٹ بشمول ملک پیک،بنیاد دودھ،کریم،ایوری ڈے،نیڈو فوٹی گرو،مائلو،ایوری ڈے ٹی کریمر،نیس کیفے اور لیکٹوجن کے نمونے لے کر تجزیے کے لئے لیبارٹری بھجوا دئیے گئے۔
قبل ازیںلاہور،گوجرانولہ،فیصل آباد اور ملتان میں ناقص انتظامات پر 23ہوٹلوں اور بیکریوں وغیرہ کو جرمانے جبکہ49کو بہتری کے احکامات جاری کئے گئے۔ گرومانگٹ روڈ پر واقع گولڈن ریسٹورنٹ پر گندے فریزرز،احاطے میں ناقص صفائی ،سلاد اور سبزیوں کو فرش پر رکھنے ،کھلی ہوئی نالیوں ،آٹے کے تھیلوں کو فالتو سامان کے ساتھ رکھنے پر 8500 روپے جرمانہ عائد کیا۔گرومانگٹ روڈ پر واقع دال روٹی ریسٹورنٹ پر گندے فریزرز،سر کو نہ ڈھانپنے ،باورچی خانے کی ناقص حالت اور مکھیوں کی بھرمار کے باعث 4000 روپے جرمانہ عائد کیا۔ وحد ت روڈ نقشہ سٹاپ پر واقع چنیوٹ پکوان سنٹر کو اشیاء خورونوش کے ڈبوں کو کُھلا اور فرش پر رکھنے ،گندے اور ٹوٹے ہوئے فریزرز اور واشنگ ایریا میں کھانے پینے کی چیزوں کی موجودگی پر 4500 جرمانہ عائد کیا۔وحدت روڈ نقشہ سٹاپ پر واقع لاہور بروسٹ کو گندے اور ٹوٹے ہوئے فریزرز،احاطے میں مکھیوںکی بھرمار،کھانے پینے کی چیزوں کو نہ ڈھانپنے اور برتن دھونے کی نا مناسب انتظامات کی وجہ سے 10000 روپے جرمانہ عائد کیا۔وحدت روڈ کرم آباد سٹاپ پر واقع الفرید ہوٹل اینڈ نان شاپ کو ملازمین کی نا قص جسمانی صفائی ،اشیاء خورونوش کو گندے کپڑوں سے ڈھانپنے ،اجزاء کے ڈبوں کو کھلا رکھنے اور پائوں کی سطح پر کھانے پینے کی چیزوں کی تیاری کرنے پر 8000 روپے جرمانہ عائد کیا۔وحدت روڈ پر واقع آئس فروٹ اور ڈرائی فروٹ کو ضائع شدہ میوہ جات فریزر میں رکھنے ،ملک شیک کے پھپھوندی زدہ جگ اور گندے فریزرز کی موجودگی پر 4500 روپے جرمانہ عائد کیا۔فوڈ سیفٹی آفیسر طاہر ہ کلثوم نے بلا ل گنج میں واقع کالا شیر فروش کو ملاوٹ شدہ دودھ فروخت کرنے ،پراڈکشن ایریا میں واش روم کی ہونے ،چینی ،دہی اور دودھ پر مکھیوں کی بھرمار ،تیاری کی جگہ پر فالتو سامان ہونے ،دودھ رکھنے والے فریزرز کی ناقص حالت اور ملازمین اور احاطے کی صفائی کی ناقص حالت پر احاطے کو سر بمہر کر دیا۔فاروق انڈسٹریل اسٹیٹ میں واقع اشفاء فوڈز کا دورہ کیا اور اسٹوریج ایریا کی ناقص حالت،حشرات سے بچائو کے ناقص انتظامات،ملازمین کے میڈیکلز کی تعداد کم ہونے اور پراڈکشن ایریا میںروشنی کم ہونے کی بنا پر 5500 روپے جرمانہ عائد کیااور درستی کیلئے ایک ہفتے کے احکامات جاری کیے ۔فیروزپور روڈ پر واقع کا دورہ کرتے ہوئے مکی فوڈز کو کھانے پینے کی چیزوں کو پائوں کی سطح پر رکھنے ،مکھیوں کی بھرمار،ملازمین کی ناقص جسمانی صفائی ،پراڈکشن ایریا میں کپڑے لٹکے ہونے ،مکڑیوں کے جالوں اور زنگ آلود برتنوں کی موجودگی کے باعث 8000 روپے جرمانہ عائد کیا اور درستی کا حتمی انتباہ بھی جاری کیا۔الغنی انڈسٹریل اسٹیٹ میں واقع پاپر ہائوس کا دورہ کرتے ہوئے فوڈ لائسنس نہ ہونے ،مکسرز کی غیر تسلی بخش حالت ،ضائع شدہ تیل کا ریکارڈ نہ ہونے ،اور ملازمین کی ناقص جسمانی صفائی کے باعث 15000 روپے جرمانہ عائد کیا اور بہتری کے لیے 5 دن کا وقت دیا۔واپڈا ٹائون میں واقع او ایسز ڈرنکنگ واٹر کی مزید پیروی کرتے ہوئے دوبارہ دورہ کیا اور گزشتہ جاری کردہ احکامات پر عمل نہ کرنے ،حشرات سے بچائو کے ناقص انتظامات اور پلانٹ کے اندر وا ش روم کا دروازہ کھلا ہونے پر 2000 روپے جرمانہ عائد کیا اور حتمی انتباہ جاری کیا۔ٹائون شپ کے علاقے دیگی فوڈ پوائنٹ کو کوڑے دان نہ ہونے اور ضائع شدہ مواد احاطے میں پڑا رہنے ،پکی ہوئی چیزوں کو نہ ڈھانپنے ،غیر معیار ی میٹھی اشیاء خورونوش ہونے کی وجہ سے 5000 روپے جرمانہ عائد کیا ۔ٹائون شپ کے علاقے میں واقع المحمدی نہاری اینڈ فش کارنر کو گندے اور کھڑے ہوئے پانی ،گندے فریزرز،مکھیوں کی بھرمار ،اشیاء خورونوش کے ساتھ فالتو سامان کی موجودگی پر 7500 روپے جرمانہ عائد کیا ۔وحدت روڈ خواجہ آرکیڈ میں واقع فریش جوس پر گندے جو سر ،ضائع شدہ پھلوں ،اور تنسیخ شدہ دودھ استعمال کرنے پر 5000 روپے جرمانہ عائد کیا اور 12 لٹر دودھ موقع پر ضائع کرد یا۔مانڈا ہائوس میں واقع قاسم سموسہ رول (پراڈکشن یونٹ ) کو کھانے پینے کی چیزوں کو پائوں کی سطح پر رکھنے ،چیزوں کو نہ ڈھانپنے ،مکھیوں اور حشرات سے بچائو کے ناقص انتظامات،کام کرنے کی جگہ گندی ہونے ،ملازمین کی جسمانی صفائی کے غیر تسلی بخش حالات ،گندی مشینری اور برتن اور فوڈ لائسنس کے بغیر کام کرنے پر احاطے کو سر بمہر کر دیا ۔شاہدرہ چوک میں واقع شاہی سویٹس اینڈ بیکرز کا دورہ کرتے ہوئے ،غیرمعیار ی اور غیر تصدیق شدہ اشیاء کی فروخت ،اشیاء پر تاریخ اجراء اور تاریخ تنسیخ نہ لکھے ہونے کے باعث 4500 روپے جرمانہ عائد کیا۔شاہدرہ چوک میں واقع شاہی سویٹس کو ملازمین کی ناقص جسمانی صفائی ،کھلی ہوئی نالیوں ،فالتو سامان کی موجودگی ،گندے اور ٹوٹے ہوئے فریزرز ،مکڑیوں کے جالوں اور پراڈکشن ایریا میں کپڑے لٹکے ہونے کی وجہ سے 25000 روپے جرمانہ عائد کیا اور درستی تک تیاری کرنے سے روک دیا ۔داروغہ والا چو ک میں واقع لیاقت مرغ چنے اینڈ ہوٹل کا دورہ کرتے ہوئے ملازمین کے میڈیکل سرٹیفکیٹ نا مکمل ہونے ،ہاتھ دھونے کا صابن نہ ہونے ،ملازمین کی ناقص جسمانی صفائی ،حشرات سے بچائو کے ناقص انتظامات اور گندے واشنگ ایریا ہونے کی وجہ سے 3500 روپے جرمانہ عائد کیا ۔داروغہ والا میں صدیق چسکا ریسٹورنٹ کا دورہ کیا اور ملازمین کے میڈیکل سرٹیفکیٹس نا مکمل ہونے ،ٹماٹروں کا گُودا نیلے ڈرمز میں رکھنے ،مصالحہ جات کو نہ ڈھانپنے ،اور گندے واشنگ ایریا ہونے پر 3500 روپے جرمانہ عائد کیا ۔ امیر روڈ بانکا چوک میں واقع سلطان باہو ملک شاپ پر ملاوٹ شدہ دودھ کی فروخت ،ملازمین کے میڈیکل سرٹیفکیٹس نامکمل ہونے ،گندے واشنگ ایریا،حشرات او ر مکھیوں کی بھرمار ،دودھ محفوظ کرنے کیلئے نیلے ڈرمز کا استعمال ،فالتو سامان کی موجودگی ،گندی دیوار اور فرش کی نشاندہی کرتے ہوئے احاطے کو 15 دن کیلئے سر بمہر کر دیا۔مزید اہم خبریں
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.