نیشنل ڈیفنس یونیورسٹی کی فوجی افسران کی تربیت کیلئے خدمات قابل تعریف ہیں،صدرمملکت

صدرمملکت ممنون حسین کی نیشنل ڈیفنس یونیورسٹی کے نئے صدرلیفٹیننٹ جنرل رضوان اختر سے ملاقات میں گفتگو

ثنااللہ ناگرہ جمعرات 29 دسمبر 2016 19:14

اسلام آباد(اردوپوائنٹ اخبارتازہ ترین۔29دسمبر2016ء) : صدر مملکت ممنون حسین نے کہا ہے کہ نیشنل ڈیفنس یونیورسٹی سول و فوجی افسران کی تربیت کے سلسلے میں بہترین خدمات دے رہی ہے ۔یہ بات صدر مملکت نے نیشنل ڈیفنس یونیورسٹی کے نئے صدر لیفٹیننٹ جنرل رضوان اختر سے ملاقات کے دوران کہی جنہوں نے ایوان صدر میں ان سے ملاقات کی۔

(جاری ہے)

صدر مملکت نے کہا کہ نیشنل ڈیفنس یونیورسٹی کو مستقبل میں بھی اپنا اعلیٰ معیار برقرار رکھنا چاہئے۔ انہوں نے اس امید کا اظہار بھی کیا کہ لیفٹیننٹ جنرل رضوان اختر بدلتے ہوئے حالات کے مطابق ادارے کی علمی و تحقیقاتی شعبوں میں مزید بہتری لائیں گے۔اس موقع پر لیفٹیننٹ جنرل رضوان اختر نے صدر مملکت کو اپنے ادارے کے مختلف امور کے متعلق آگاہ کیا۔