اگر ایوان اور عدالت کرپشن روکنے میں ناکام ہوں تو پھر چوکوں ،چوراہوں کے سوا کوئی راستہ نہیں رہتا ‘ سینیٹر سراج الحق
کرپشن کے خاتمہ کیلئے پارلیمنٹ قانون سازی نہ کرے ،عدالتوں میں احتساب نہ ہو تولٹیروں کی ناک میں نکیل ڈالنے کیلئے صرف ایک ہی راستہ بچتا ہے عوام سے رابطہ کیا جائے ،اشرافیہ اقتدار کیلئے آپس میں لڑتی اورغریب کا خون چوسنے اور اسکے خون پسینے کی کمائی لوٹنے میں ایک دوسرے کی مدد کرتی ہے ‘ امیر جماعت اسلامی کا مظفر سید ایڈووکیٹ کی قیادت میں دیر کے وفد کی ملاقات کے موقع پر خطاب
جمعرات 29 دسمبر 2016 19:16
(جاری ہے)
سینیٹر سراج الحق نے کہا کہ 70سال سے ملکی اقتدار پر مسلط ٹولے نے اپنی دولت بڑھانے اور اقتدار پر قابض رہنے کیلئے ہمیشہ عوام کے حقوق سلب کئے ۔
یہی ٹولہ چہرے بدل بدل کرانتخابات میں عوام کو دھوکہ دیتا رہا اور کسی غریب کو ایوان اقتدار تک پہنچنے کا موقع نہیں دیا گیا۔اس ٹولے میں موجود مامے بھانجے اور چاچے بھتیجے کی سیاست کا محور اپنے مفادات کا تحفظ اور غریب کے مال کا آپس میں بٹوارا رہا ہے ۔انہوں نے کہا کہ 47ء سے 2016ء تک چند خاندان ہی اقتدارکے مزے لوٹ رہے اورملک کے سیاہ و سفید کے مالک بنے ہوئے ہیں ،انہوں نے کہا کہ قیام پاکستان کے وقت جن کے دادا،نانا انگریز کی آنکھوں کے تارے تھے آج ان کے پوتے نواسے سامراج کے پجاری ہیں اور اسی ’’میرٹ ‘‘کے بل بوتے پر وہ اسمبلیوں میں پہنچتے ہیں۔ انہوں نے کہا کہ جماعت اسلامی کا اسی نسل درنسل اقتدار پر قابض ٹولے سے مقابلہ ہے ،ہم عام آدمی کے حقوق کی بات کرتے ہیں اور ہمارا مطالبہ ہے کہ عوام کو تعلیم ،صحت اور روز گار کی بنیادی سہولتیں دستیاب ہوں ۔ انہوں نے کہا کہ جاگیرداروں اور سرمایہ داروں نے اقتدار کو اپنے گھر کی لونڈی بنا رکھا ہے ۔ریاست ،جمہوریت اور سیاست کے ساتھ ساتھ قومی اداروں کو یرغمال بنانے والے عام آدمی کو کیڑے مکوڑوں سے زیادہ اہمیت نہیں دیتے یہی وجہ ہے کہ اسمبلیوں میں پہنچنے کے بعد انہیں عوام یاد رہتے ہیں نہ ان کی پریشانیوںکے حل کیلئے ان کے پاس کوئی وقت ہوتا ہے ۔ سینیٹر سراج الحق نے کہا کہ جماعت اسلامی ملک سے کرپشن کا خاتمہ چاہتی ہے اور اس عظیم مقصد کو حاصل کرنے کیلئے جماعت اسلامی نے کرپشن فری پاکستان تحریک شروع کی ۔ہم نے عوام کو کرپشن کے خلاف متحد کرنے کیلئے ملک بھر میں جلسے جلوس اور ریلیاں نکالیں اور ٹرین مارچ کیا ،ہم نے پارلیمنٹ میں کرپشن کے خلاف چار بل پیش کئے ،اپوزیشن کو مشترکہ اور متفقہ ٹی او آرز پر جمع کیا اور عدالت میں کرپشن کے خاتمہ کیلئے پیش ہوئے۔آج ملک بھر کے عوام کرپشن کے خلاف یک زبان ہیںاور سب کا مطالبہ ہے کہ کرپٹ ٹولے کا بلا امتیاز احتساب ہونا چاہئے ،لیکن پارلیمنٹ جس کی سب سے بڑی اور پہلی ذمہ داری قومی امانتوں کا تحفظ ہے وہ اپنا کردار ادا کرنے میں ناکام رہی ہے جس سے عوام کے اندر سخت مایوسی پائی جاتی ہے ۔انہوں نے کہا کہ اسٹیٹس کو کی حامی قوتیں اس ظالمانہ اور استحصالی نظام کو بچانے کیلئے سر جوڑ کربیٹھ گئی ہیں۔انہوں نے کہا کہ اب ضرورت ہے کہ عوام اپنے حقوق کے تحفظ کیلئے متحد ہوکر ایک بڑی تحریک کیلئے اٹھ کھڑے ہوں۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.