فیصل آباد،پی آئی اے نے فیصل آباد اور کراچی کے درمیان ہفتہ وار تین پروازوں کو معطل کردیا،پروازوں کو معطل ہونے سے بزنس کمیونٹی پریشان
جمعرات 29 دسمبر 2016 18:26
(جاری ہے)
فیصل آباد ملک کا اہم ترین برآمدی شہر ہے اور یہاں سے روزانہ سینکڑوں کی تعداد میں لوگ دنیا بھر کے مختلف ممالک کیلئے سفر کرتے ہیں ۔ فیصل آباد کی بزنس کمیونٹی اور فیصل آباد چیمبر آف کامرس اینڈ انڈسٹری کی کوششوں سے کئی غیر ملکی فضائی کمپنیوں سے یہاں سے براہ راست بین الاقوامی پروازوں کا سلسلہ شروع کر دیا ہے اس طرح مشرق وسطیٰ اور دیگر ملکوں میں کام کرنے والے پاکستانیوں کی ایک بڑی تعداد بھی آنے جانے کیلئے فیصل آباد ایئرپورٹ کو ترجیح دیتی ہے ، ان کمپنیوں کے آنے کے بعد پی آئی اے کو فضائی سفر کے حوالے سے فیصل آباد کی منافع بخش کاروباری اہمیت کا احساس ہوا اور اس سے فیصل آباد سے جدہ اور مدینہ کیلئے پروازوں کا سلسلہ شروع کیا۔
لیکن بد قسمتی سے نیشنل فلیگ کیرئیر پی آئی اے نے ہمیشہ فیصل آباد کو نظر انداز کیا۔ اس سلسلہ میں پاکستان چیمبرآف کامرس انیڈ انڈسٹری کے ایک ممبرو چیئرمین موٹر مارکیٹ محمد اصغر،فیڈریشن پاکستان چیمبرآف کامرس انیڈ انڈسٹری کے سابق صدروفیصل آباد انڈسٹریل ایسٹیٹ ڈویلپمنٹ اینڈ مینجمنٹ کمپنی (فیڈمک) کے چیئرمین میاں محمد ادریس اور دیگر تاجروں و صنعتکاروںنے فیصل آباد اور کراچی کے درمیان ہفتہ وار تین پروازوں کو معطل کرنے پر تشویش کا اظہار کرتے ہوئے ان کی فوری بحالی کا مطالبہ کیا ہے۔ انہوں نے کہا کہ اسی طرح فیصل آباد اور کراچی کے درمیان بھی دوبارہ روزانہ ایک پرواز شروع کی گئی مگر ان میں کھٹارہ قسم کے ا ے ٹی آر طیارے چلائے۔ کچھ عرصہ قبل تک فیصل آباد کراچی روٹ پر تین دن اے ٹی آر جبکہ باقی چار دن ایئربس چلائی جاتی تھی مگر کچھ عرصہ سے اے ٹی آر طیاروں کو گراؤنڈ کر دیا گیا ہے اور اب ان کے متبادل کوئی طیارہ مختص نہیں کیا گیا جس کی وجہ سے تین دن فضائی سروس نہ ہونے کی وجہ سے مسافروں کو سخت مشکلات کا سامنا ہے۔ انہوں نے کہا کہ پی آئی اے کو فیصل آباد کی کاروباری اہمیت کے پیش نظرفیصل آباد کراچی روٹ پر روزانہ ایئر بس چلانی چاہیئے تا کہ ملکی اور غیرملکی مسافروں کو آرام دہ سفر کی سہولت مہیا کی جا سکے۔ انہوں نے مزید کہا کہ مسافروں کی تعداد کے پیش نظر فیصل آباد کراچی کے درمیان پروازوں کی تعداد کو ایک سے بڑھا کردو کیاجائے تا کہ صبح کراچی جانے والے شام کو واپس اپنے گھر لوٹ سکیں۔ دریں اثناء انہوںنے فیصل آباد میں نئی جدید سول ایئر پورٹ کے مطالبے کو بھی دوہرایا جس پر ہر قسم کے بڑے جہازبھی اتر سکیں۔متعلقہ عنوان :
مزید تجارتی خبریں
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
-
چینی کارساز کمپنی چیری کا ٹیگو 8 کی قیمت میں بڑی کمی کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.