ہواوے نے سال2016کا بیسٹ کنزیومر الیکٹرانک برانڈ ایوارڈ جیت لیا

جمعرات 29 دسمبر 2016 17:28

ہواوے نے سال2016کا بیسٹ کنزیومر الیکٹرانک برانڈ ایوارڈ جیت لیا
لاہور(اُردو پوائنٹ اخبارتازہ ترین - این این آئی۔ 29 دسمبر2016ء) یورپ کی سب سے بڑی آذاد کمیو نیکیشن ایجنسی Serviceplan گروپ اور معروف عالمی ریسرچ ادارے GFKنے شنگھائی میںمنعقدہ ایک ایوارڈ تقریب میں چینی موبائل ساز کمپنی ہواوے کو سال2016کے بہترین کنزیومر الیکٹرانک برانڈ ایوارڈ کا حقدار ٹھہرایا ہے ۔ہواوے کو یہ ایوارڈ ایپل اور کینون جیسے اداروں کی موجودگی میں دیا گیا جو کہ ہواوے کیلئے کسی اعزاز سے کم نہیں ہے ،ہواوے نے رواں برس وی چیٹ بیسٹ ڈیجیٹل اکانومی برانڈ،BMW-BestنEmotionallyنBondingنBrand. اور نAirbnb-BestنDisruptive Brand,جیسے ایوارڈ حاصل کئے ہیں۔

بیسٹ کنزیومر الیکٹرانک برانڈ ایوارڈ کا سلسلہ سال2004سے جرمنی سے جاری ہے اور ہواوے کا اس ایوارڈ کیلئے انتخاب نہ صرف چین کیلئے قابل فخر ہے بلکہ ہواوے کی جدید اور تخلیقاتی ٹیکنالوجی پر بھی اعتماد کا اظہار ہے ۔

(جاری ہے)

ہواوے کنزیومر بزنس کے چیف مارکیٹنگ افسر Glory Zhang, کا ایوارڈ کے حصول پر تقریر کرتے ہوئے کہنا تھا کہ ہواوے اس وقت اسمارٹ فونز کی تیاری میں Leica کے ساتھ ملکر کام کررہا ہے اور ہم نے P9کی شکل میں دنیا کو پہلا Leica ڈیول کیمرہ اسمارٹ فون دیا ہے اور اس وقت دنیا بھر میں ایک کروڑ سے زائد افراد اپنے P9اسمارٹ فونز سے جدید فوٹو گرافی کا لطف اٹھا رہے ہیں،ہواوے دنیا بھر میں اسمارٹ فونز کے حوالے سے تیزی سے اپنی جگہ بنا رہا ہے اور سال2014میں ہواوے دنیا کے 100معروف برانڈ کی فہرست میں72ویں پوزیشن پر براجمان رہا ،ہواوے کی کامیابیو ں میں جدت اور تخلیق کا کردار انتہائی اہم ہے ،ہواوے میٹ8میں دنیا کی تیز ترین chipset Kirin 960. نصب کی گئی اور حال ہی میں متعارف کرائے گئے میٹ9کو بھی جدت اور تخلیق کے اصولوں کے مطابق تیار کیا گیا ،ان کا مزید کہنا تھا کہ دنیا بھر میں ہواوے کے 1لاکھ70ہزار سے زائد ملازمین دنیا کو جدید اور تخلیق سے بھرپور اسمارٹ فونزکی فراہمی کا عزم لئے ہوئے ہیں اور ہمارا یقین ہے کہ ہواوے کو اسمارٹ فونز کے حوالے سے معتبر اور معروف برانڈ ز کی فہرست میں سب سے اوپر پہنچایا جائے۔

متعلقہ عنوان :