چشمہ تھری پاور پلانٹ کا افتتاح ‘ 2018 ء تک لوڈ شیڈنگ کے خاتمے کی جانب اہم قدم ہے ، رشاد خان
سی پیک کے تحت توانائی کے منصوبوں پر تقریباًً 34 ارب ڈالر خرچ کیے جائیں گے‘گزشتہ حکومتوں کی لا پرواہی کے باعث لوڈشیڈنگ سے مسائل بڑھے ‘ عوام احتجاجی سیاست اور کھوکھلے نعروں کی بجائے مسائل کا حل چاہتے ہیں ۔ ’’اے پی پی ‘‘سے بات چیت
بدھ 28 دسمبر 2016 16:52
(جاری ہے)
انہوں نے کہاکہ لوڈشیڈنگ کے مسئلے کے حل کیلئے وفاقی حکومت کی سنجیدگی کا اندازہ اس بات سے لگایا جاسکتا ہے کہ سی پیک کے تحت توانائی کے منصوبوں پر تقریباًً 34 ارب ڈالر خرچ کیے جائیں گے ۔ انہوں نے کہاکہ چشمہ تھری پراجیکٹ سے صاف اور سستی توانائی حاصل ہونے کے ساتھ ساتھ زراعت ‘ صنعت ‘ تجارت اور معاشی اور معاشرتی شعبے بھی مستفید ہونگے ۔
انہوں نے کہاکہ اس منصوبے سے چھوٹی صنعتیں ترقی کرینگی اور ان کی پیداوار میںاضافہ ہوگا اور بڑی صنعتوں کی اجارہ داری ختم ہوگی ۔ انہوں نے گزشتہ حکومتوںکی جانب سے ملک کو لوڈشیڈنگ کے ذریعے تاریکی میں دھکیلنے کی مذمت کرتے ہوئے کہاکہ گزشتہ حکومتوں نے لوڈشیڈنگ کے بحران کے خاتمے کیلئے کچھ نہیں کیا جس کے باعث زراعت اور صنعت کے شعبے انتہائی متاثر ہوئے اور ملک میں بے روز گاری اور افراط زر کے مسائل نے جنم لیا ۔ انہوں نے کہاکہ سیاسی مخالفین جانتے ہیں کہ اگر مسلم لیگ ( ن) کی حکومت نے اپنی مدت پوری کی اور لوڈشیڈنگ جیسے مسائل ختم ہوگئے تو ان کی سیاست ہمیشہ ہمیشہ کیلئے ختم ہوجائیگی اسلئے انہوں نے مسلم لیگ (ن) اور وزیر اعظم محمد نواز شریف کے خلاف تحریک شروع کررکھی ہے ۔ انہوں نے کہاکہ عوام احتجاجی سیاست اور کھوکھلے نعروں کی بجائے اپنے مسائل کا حل چاہتے ہیں ۔ انہوں نے کہاکہ جب بھی پی ایم ایل این برسر اقتدار آئی تو اس نے عوام کی فلاح و بہبود اور اقتصادی ترقی کو ترجیح دی ۔ انہوں نے کہاکہ 2018 ء تک لوڈشیڈنگ کے خاتمے کے حدف کے حصول کیلئے ملک کے علاوہ صرف خیبر پختونخوا میں وفاقی حکومت کی جانب سے شروع کیے گئے 12 منصوبے تکمیل کے آخری مراحل میں ہے جن میں تربیلا توسیعی ہائیڈرو پاور پراجیکٹ ( 1410 میگا واٹ ) ‘ چترال میں گولن گول پراجیکٹ ( 108میگاواٹ ) اور گومل زام ڈیم ( 18 میگا واٹ )کے علاوہ دیگر منصوبے شامل ہیں جن سے نہ صرف بجلی کی کمی کا مسئلہ حل ہوجائے گا بلکہ اس سے اضافی بجلی بھی حاصل ہوگی ۔رشاد خان نے چشمہ تھری پاور پلانٹ منصوبے کی تکمیل پر قوم کو مبارک باد دیتے ہوئے کہاکہ لوڈ شیڈنگ کے مارے ہوئے عوام اور صنعتوں کیلئے یہ مسلم لیگ ( ن) حکومت کا ایک اور تحفہ ہے ۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.