بلوچستان کا مستقبل روشن ہے، بلوچستان ترقی اور خوشحالی کی نئی منزلوں کی طرف گامزن ہے جس میں پاک چین اقتصادی راہداری کلیدی کردار ادا کرے گی ، صدر ممنون حسین
پاک۔چین اقتصادی راہداری کے روٹ میں ایک انچ کی بھی تبدیلی نہیں کی گئی، اس امر کو یقینی بنایا جائے گا کہ بلوچستان سمیت ملک کا کوئی بھی حصہ اس راہداری کے ثمرات سے محروم نہ رہے،صدر مملکت کا یومِ قائد کے حوالہ سے منعقدہ تقریب سے خطاب
منگل 27 دسمبر 2016 16:34
(جاری ہے)
صدر مملکت نے کہا کہ انہوں نے ایک بار اسی گورنر ہاؤس میں یہ کہا تھا کہ اگر بلوچستان اقتصادی راہداری کے فوائد سے محروم رہتا ہے تو پھر ہمیں اس راہداری کی کوئی ضرورت نہیں، وہ آج بھی اپنے اس بیان پر قائم ہیں اور واضح کرتے ہیں کہ ریاست اور ریاستی ادارے اقتصادی راہداری کے سلسلے میں بلوچستان سمیت پورے ملک کے مفادات کا تحفظ کریں گے۔
تقریب میں محمد خان اچکزئی، گورنر بلوچستان، نواب ثناء الله خان زہری، وزیرِاعلیٰ بلوچستان، صوبائی وزراء و اراکینِ اسمبلی، لیفٹیننٹ جنرل عامر ریاض کمانڈر سدرن کمانڈ اور کارکنانِ تحریک پاکستان کے اہلِخانہ کی بڑی تعداد شریک تھی۔ صدر مملکت نے تحریک پاکستان کے حوالہ سے بات کرتے ہوئے کہا کہ بابائے قوم کے بااعتماد ساتھیوں اور رفقائے کار کی بہت بڑی تعداد بلوچستان کے مختلف حصوں میں پھیلی ہوئی تھی جنہوں نے تحریکِ پاکستان کے زمانے میں اپنی بے پناہ محنت سے عوامی بیداری پیداکی۔ یہی وجہ ہے کہ1946ء میں کوئٹہ کے بلدیاتی انتخابات کامیابی پر قائداعظم نے خوشی سے سرشار ہو کر فرمایا ’’ویل ڈن بلوچستان‘‘۔قائداعظم محمد علی جناح تحریکِ پاکستان میں مقامی طلبا کے کردار اور جوش و جذبے سے بہت متاثر تھے اور وہ انہیں ’’بہادر بلوچ نوجوان‘‘ کے نام سے یاد کیاکرتے تھے۔ صدر ممنون حسین نے کہا کہ بابائے قوم فرمایا کرتے تھے کہ بلوچستان پاکستان کا مستقبل اور اس کے عوام میرے دل سے بہت قریب ہیں۔ قائد نے فرمایا تھا کہ بلوچستان ایک ہیرا ہے جسے تراشنے کیلئے ایک ماہر جوہری کی ضرورت ہے جب یہ ہیرا تراشا جا ئے گا تو دنیا کی نگاہیں خیرہ ہو جائیں گی۔ بلوچستان اور اس کے مستقبل کے بارے میں قائداعظم کی بصیرت اور دوراندیشی حیرت انگیز تھی۔ انہوں نے بلوچستان کے بارے میں جن امکانات کی نشاندہی آج سے لگ بھگ ستّر، اسّی برس پہلے کی تھی وہ آج حقیقت بن کر ابھر رہے ہیں اوربلوچستان ترقی اور خوشحالی کی نئی منزلوں کی طرف گامزن ہے جس میں پاک چین اقتصادی راہداری کلیدی کردار ادا کرے گی۔ انہوں نے نوجوانوں کو مخاطب کرتے ہوئے کہا کہ ا قتصادی راہداری سمیت دیگر ترقیاتی منصوبوں سے صوبے میں جو امکانات پیدا ہونے جا رہے ہیں، خود کو اٴْن سے مستفید ہونے کے لیے تیار کریں۔ صدر مملکت نے کہا کہ انہوں نے نیوٹیک کو ہدایت کی ہے کہ وہ بلوچستان کے نوجوانوں کو مختلف پیشوں خصوصاً بحری تجارت، جہاز رانی اور دیگر متعلقہ شعبوں میں تربیت دینے کیلئے خصوصی کورس تیار کریں تاکہ بلوچستان کے نوجوانوں کو روزگار کے زیادہ سے زیادہ مواقع حاصل ہو سکیں۔ اسی طرح انہوں نے نیشنل یونیورسٹی آف ماڈرن لینگویجز (نمل) کو بھی ہدایت کی کہ وہ گوادر میں چینی زبان سکھانے کیلئے اپنا کیمپس قائم کرے۔ اس مقصد کیلئے انہوں نے نمل کو ایوانِ صدر کے اخراجات کم کرکے ایک خطیر رقم بھی فراہم کی ہے اور اس منصوبے پر بھی کام شروع ہو چکا ہے۔ انہوں نے کہا کہ حکومت پاکستان کے فیصلے کے تحت نیشنل ایکشن پلان تحت ہونے والی کارروائیوں کے حوصلہ افزا نتائج سامنے آئے ہیں، کاروباری سرگرمیاں زور پکڑ رہی ہیں اور عوام کے اعتماد میں اضافہ ہو رہا ہے۔ صدر مملکت نے کہا کہ تحریک پاکستان کے قائدین اور بابائے قوم محمد علی جناح کے رفقائے کار ہمارے محسنین ہیں، ان کا احترام ہم پر لازم ہے اور پوری قوم ان کے احترام میں کبھی کمی نہیں آنے دے گی۔مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.