آصف زرداری کابلاول کے ہمراہ الیکشن لڑکرپارلیمنٹ میں جانے کااعلان
کارکنوں کیلئے خوشخبری ہے کہ میں اوربلاول بھٹودونوں الیکشن لڑکرپارلیمنٹ میں جارہے ہیں،بلاول نے جو باتیں کیں وہ جمہوری ہیں،بلاول کایہ مطلب نہیں کہ وہ پارلیمنٹ کیخلاف ہنگامہ کرینگے،احتجاج کرناہماراحق ہے۔آصف زرداری
ثنااللہ ناگرہ منگل 27 دسمبر 2016 16:08
گڑھی خدابخش(اردوپوائنٹ اخبارتازہ ترین۔27دسمبر2016ء) :صدرمملکت آصف زرداری نے الیکشن لڑکرپارلیمنٹ میں جانے کااعلان کردیا۔انہوں نے گڑھی خدابخش میں شہیدمحترمہ بے نظیربھٹو کی برسی کے موقع پرخطاب کرتے ہوئے پارٹی کارکنوں کوخوشخبری سنائی کہ میں اور بلاول بھٹودونوں نے پارلیمنٹ میں جانے کافیصلہ کرلیاہے۔انہوں نے کہا کہ میں اپنی بہن کی نوابشاہ کی نشست سے الیکشن لڑوں گا،جبکہ بلاول بھٹولاڑکانہ سے الیکشن لڑیں گے۔
انہوں نے کہا کہ ہم چاہتے ہیں کہ آپ ججوں کاوقار بلند کریں۔ سپریم کورٹ کے تحت نیب کے سربراہ کی تقرری پرکوئی اعتراض نہیں ہے۔پاکستان کو بچانے کےخاطر پارٹی نے قربانیاں دیں ۔زرداری نے کہاکہ ہم نے نوازشریف کو امانت سونپی تھی۔پرانے چیف جسٹس جیسا چیف جسٹس نہیں لگانے دینگے۔(جاری ہے)
انہوں نے کہاکہ ہم مغل بادشاہ کونہیں چھوڑیں گے۔18ویں ترمیم کے بعدنوازشریف نے سب کچھ بھلادیا۔
جس دن میں نے آپ کو اقتدار شفٹ کیا تو آپ نے کہا بڑی خوشی ہوئی۔ میاں صاحب وہ دن یاد کریں،جب میں نے پاور پارلیمنٹ کودی۔کیا ایسا پاکستان بنانا چاہتے ہیں جس میں مغلوں کی جنگ ہو؟پاوراس لیےنہیں دی کہ آپ شہزادہ سلیم بن جائیں۔ ایوان صدر کا خرچہ کس کھاتے میں جا رہا ہے ؟جبکہ اپنے صدرسے آپ کو فائدہ ہے نہ نقصان ہے۔انہوں نے کہا کہ بلاول نے جو باتیں آپ سے کیں وہ جمہوری ہیں۔آصف زرداری نے الزام لگایا کہ حکومت قطر سے مہنگی گیس منگوا رہی ہے۔ انہوں نے وزیر اعظم سے مخاطب ہو کر کہا کہ یاد کریں میں نے آپ کو اقتدار اس لئے منتقل نہیں کیا کہ آپ شہزادہ سلیم بن جائیں ۔ ہم نے نواز شریف کو امانت سونپی تھی۔ بلاول نے سڑکوں پر آ کر حملہ کرنے کی بات نہیں کی۔ انہوں نے کہاکہ بلاول بھٹو زرداری لاڑکانہ سے اور میں خود اپنی بہن کی نشست سے الیکشن لڑوں گا۔ بلاول بھٹونے سیاسی باتیں کی ہیں بلاول کے کہنے کایہ مطلب نہیں تھا کہ وہ پارلیمنٹ کیخلاف ہنگامہ کرینگے۔احتجاج کرناہماراحق ہے۔ ہم پارلیمنٹ اور عدالتوں میں جائیں گے۔میاں صاحب آپ ٹرینیں بنا سکتے ہیں جہاز نہیں بنا سکتے۔زرداری نے کہا کہ مودی کیساتھ آپ کھانا کھاتے ہیں تو کشمیر کے بچوں پر کیا گزرتی ہوگی۔کشمیریوں پر کیا گزرتی ہوگی،جب آپ مودی کو ٹوئٹ کرتےہیں۔انہوں نے کہاکہ خدانخواستہ روایتی جنگ ہوئی تو تیل کون دیگا پاکستان کا راستہ بلاک ہو سکتاہے ۔ہم مہنگا فیول کیوں لیں ؟ہمارے دورمیں توپٹرول مہنگاتھا لیکن آج توسستاپٹرول ہے۔انہوں نے کہا کہ پنجاب میں نوازشریف کی مظبوطی کو نہیں مانتا۔آپ کے ہاتھ میں لاٹھی ہے،پولیس ہے۔ہم اپنی سنٹرل کورکمیٹی کے اجلاس میں پارلیمنٹ میں جانے کی باقاعدہ اجازت لیکر اپنے کاغذات جمع کروائیں گے۔متعلقہ عنوان :
مزید اہم خبریں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.