بے نظیر بھٹو آصف زرداری کی ترجیح نہیں رہیں ، زرداری نے محترمہ کے قتل کی تحقیقات میں دلچسپی نہیں لی، آصف زرداری اور پیپلز پارٹی ایک ساتھ نہیں چل سکتے، بلاول اپنے والد سے انصاف کا پوچھیں

سابق وزیر اعظم بے نظیر بھٹو کی پولیٹیکل سیکرٹری ناہید خان کاٹی وی انٹرویو

پیر 26 دسمبر 2016 22:10

راولپنڈی (اُردو پوائنٹ اخبارتازہ ترین - آئی این پی۔ 26 دسمبر2016ء) سابق وزیر اعظم بے نظیر بھٹو کی پولیٹیکل سیکرٹری ناہید خان نے کہا ہے کہ آصف زرداری اور پیپلز پارٹی ایک ساتھ نہیں چل سکتے ، بے نظیر بھٹو آصف زرداری کی ترجیح نہیں رہیں اور آصف زرداری نے اس کے قتل کی تحقیقات میں دلچسپی نہیں لی، بلاول اپنے والد سے انصاف کا کیوں نہیں پوچھتی ۔

(جاری ہے)

پیر کو نجی ٹی وی پروگرام میں گفتگو کرتے ہوئے ناہید خان نے کہا کہ بے نظیر بھٹو آصف زرداری کی ترجیح نہیں رہیں اور آصف زرداری نے اس کے قتل کی تحقیقات میں دلچسپی نہیں لی ۔ انہوں نے کہا کہ آصف زرداری اور پیپلز پارٹی ایک ساتھ نہیں چل سکتے ۔ پیپلز پارٹی کو صرف سندھ تک محدود کر دیا گیا ۔ پیپلز پارٹی کو ضیاء الحق جیسے آمر نے اتنا نقصان نہیں پہنچایا جتنا خود آصف زرداری نے پہنچایا ۔ ناہید خان نے کہا کہ بلاول اپنے والد سے انصاف کا کیوں نہیں پوچھتے ۔ …(م د )