صوبے کی ترقی اور عوام کی خوشحالی تحریک انصاف کی صوبائی حکومت کا نصب العین ہے،چین کے پہلے دورے پر جارہا ہوں جہاں پر جے سی سی کی میٹنگ میں سی پیک میں شامل اب تک کے منصوبوں اور نئے منصوبو ں کی منظوری کاجائزہ لیا جائیگا، صوبائی حکومت چین کے ساتھ توانائی مواصلات اور انفر اسٹرکچر کے شعبوں میں تین نئے منصوبوں پر معاہدے کریگی
وزیر اعلیٰ خیبرپختونخوا پرویز خٹک کا شمولیتی جلسے سے خطاب
پیر 26 دسمبر 2016 20:40
(جاری ہے)
اس موقع پر انجمن تاجران اور مسلم لیگ ن شرین کوٹھے کے صدرنور النبی خان عرف شکر خان اور اے این پی کے حضرت خان نے اپنے چالیس ساتھیوں اور خاندانوں سمیت مستعفی ہوکر پاکستان تحریک انصاف میں شمولیت کااعلان کیا۔اس موقع پر ضلع ناظم نوشہرہ لیاقت خان خٹک، ممبر قومی اسمبلی ڈاکٹر عمران خٹک، گل ریز حکیم خان ، تحصیل ناظم رضاء اللہ، نورا لنبی عرف شکر خان، کونسلر افتخار صافی اور حضرت خان نے بھی خطاب کیا ۔
پرویزخٹک نے نئے شامل ہونے والوں کوپی ٹی آئی کی ٹوپیاں پہنائیں اوران کا پارٹی میں خیر مقدم کیا۔ پرویز خٹک نے کہا کہ چینی ماہرین نے فاسٹ ریلوے ٹریک جو دو میل فی گھنٹے کی رفتار سے چلے گی،کی فزیبلٹی رپورٹ بنا لی ہے ۔ اسی طرح گلگت ، چترال دیر اور چکدرہ روٹ کی تعمیر سے نہ صرف شمالی علاقوں کی ترقی ہوگی بلکہ چین کووسطی ایشیاء اورافغانستان سے ملانے کے لیے ایک نیا روٹ مل جائے گا۔ جو خطے کی ترقی میں ریڑھ کی ہڈی کی حیثیت رکھتا ہے۔ ۔ سی پیک کے تحت ہم نے تین انڈسٹریل پارک کی ڈیمانڈ کی ہے لیکن ہر صوبے میں ابھی صرف ایک انڈسٹریل پارک بنے گا۔جس کے لیے ہم نے کرنل شیر انٹر چینج کے قریب دس ہزار کنال اراضی مختص کردی ہے جس پر بہت جلد کام شروع ہوگا۔ اوریہاں پر صنعتی بستیاں قائم ہوں گی۔ ایک انڈسٹریل پارک حطاراور ایک ڈیر اسماعیل خان میں ہے۔ انھوں نے کہا کہ خیبرپختونخوا پر پوری دنیا کی نظر ہے اوریہ ایک بہت بڑی تجارتی سرگرمیوں کامرکز بننے جارہا ہے۔ پوری دنیا سے سرمایہ کار خیبرپختونخوا کا رخ کررہے ہیں۔ چھ سو میگاواٹ بجلی کے منصوبے کا ٹینڈر ہوچکا ہے پانچ سو میگاواٹ کے منصوبے ہم نے خود شروع کیے ہے جبکہ کچھ ایشین ترقیاتی بینک کے تعاون سے کر رہے ہیں ۔ میری کوشش ہے کہ خیبرپختونخوا میں 2018تک دو ہزار میگا وٹ کے منصوبے مکمل کرسکیں۔ اس سے ملک اور خیبرپختونخوا کے شاندار مستقبل کی شروعات ہورہی ہیں۔جب افغانستان میں حالات بہتر ہوں گے تو اس سے کافی چیزیں صحیح ہوجائیں گی خیبرپختونخوا میں تجارت کے دروازے نہ صرف افغانستان ، چین اور وسطی ایشیاء بلکہ پوری دنیا کے لیے کھول رہے ہیں کیونکہ خیبرپختونخوا قدرتی وسائل گیس، پیٹرولیم، سمیت دیگر وسائل سے مالا ما ل ہے۔انھوں نے کہا کہ پی ٹی آئی کی صوبائی حکومت اپنے منشور پر من وعن عمل کررہی ہے اور عمران خان نے تبدیلی کا جونعرہ لگایاتھا اس پر بڑی حدتک عمل کراچکے ہیں۔ انھوں نے کہا کہ ماضی میں اے این پی ، پی پی پی ، پی ایم ایل این سمیت دینی اور سیاسی جماعتوں نے اس ملک کے اداروں کو کھوکھلا کردیا او رسیاسی مداخلت کے ذریعے ادارے تباہ کردیے۔ غریب عوام کا استحصال کیا اور ناانصافیوں کے سارے ریکارڈ توڑ دیے۔ انھوں نے کہا کہ پی ٹی آئی کی صوبائی حکومت انصاف کا بول بالا کرنے اور غریب عوام کی محرومیاں دور کرنے کے لیے دن رات کوششیں کررہی ہے۔ خیبرپختونخوا نے پہلا بااختیار بلدیاتی پروگرام عوام کو دیا اور تمام اختیارات عوام کی دہلیز پر منتقل کردئیے ہیں اورایسا نظام وضع کررہے ہیںجس میں سفارش رشوت کلچر کاخاتمہ ہو اور عوام کے مسائل خود بخود حل ہوں۔ بدقسمتی سے اس ملک کے سیاسی وڈیرے اور خوانین غریب عوام کی ترقی نہیں چاہتے ان کے ہاں وہ لوگ سیاسی طو رپر کامیاب ہیں جو صوبے میں رشوت کمیشن لوٹ کھسوٹ کی سیاست کو فروغ دیتے ہیں پی ٹی آئی کی صوبائی حکومت نے میرٹ اور انصاف پر مبنی معاشرہ قائم کرنے کے لئے شفاف نظام رائج کیا ہے۔ جس کے لیے 150 سے زائد قوانین پاس کرکے اس کوقانونی تحفظ دے دیا ہے ۔ انھوں نے کہا کہ ہم نے تمام ملازمتیں میرٹ پر کردی ہیں۔ اب آنے والے وقت میں کوئی استاد پٹواری ، اور پولیس کے سپاہی اور ڈاکٹر پر سیاست نہیں کرسکے گا۔ اس سے قبل وزیر اعلیٰ پرویز خان خٹک کو سینکڑوں گاڑیوں کے جلوس میں رسالپور گیٹ نمبرچار سے کوتر پان لایاگیا وزیراعلی بغیر پروٹوکو ل کے کارکنوں کے ساتھ روانہ ہوئے اورجلسہ گاہ پہنچے۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.