میلبورن :پہلے دن کا کھیل ختم، پاکستان 4وکٹ پر142رنز

Fahad Shabbir فہد شبیر پیر 26 دسمبر 2016 11:23

میلبورن :پہلے دن کا کھیل ختم، پاکستان 4وکٹ پر142رنز

میلبورن(اُردو پوائنٹ اخبارتازہ ترین۔26دسمبر۔2016ء) میلبورن ٹیسٹ میں پہلے روز کھیل کے اختتام پر پاکستان نے4 وکٹوں کے نقصان پر 142رنز بنالئے۔ اظہر علی 66اور اسد شفیق 4رنز پر ناٹ آؤٹ ہیں۔ بارش کے باعث میچ مقررہ وقت سے پہلے ختم کرنا پڑا۔ ملبورن کرکٹ گراؤنڈ پر کھیلے جارہے ٹیسٹ میں کپتان مصباح الحق نے ٹاس جیت کر بیٹنگ کافیصلہ کیا، اوپنرز ایک بار پھر اچھا آغاز فراہم نہ کرسکےاور 18کے مجموعی اسکور پرسمیع اسلم صرف 9رنزبناکر لائیون کی گیند پر اسمتھ کے ہاتھوں کیچ آؤٹ ہوگئے، بابر اعظم بھی زیادہ دیر وکٹ پر نہ ٹھہر سکے اور 23رنز بناکر پویلین لوٹ گئے۔

(جاری ہے)

اس دوران اظہر علی نے نہ صرف کیریئر کی 25ویں نصف سنچری اسکور کی۔ یونس خان اس بار بھی بڑا اسکور کرنے میں ناکام رہے اور 21رنز بناکر برڈ کی گیند پر کلین بولڈ ہوگئے، کپتان مصباح صرف 11رنز بناسکے۔ آسٹریلیا کی طرف سے برڈ نے 2جبکہ ہیزل ووڈ اور لائیون نے ایک، ایک وکٹ حاصل کی۔ بارش کے باعث کھیل روکنا پڑا اور اس تعطل کو چائے کے وقفے میں تبدیل کردیا گیا، تاہم بارش کا سلسلہ رک نہ سکا اور اور میچ مقررہ وقت سے پہلے ختم کردیا گیا، آج 50اعشاریہ 5اوورز کا کھیل ہوسکا، جب کھیل ختم ہوا تو اظہرعلی66اور اسد شفیق نے 4رنز کے ساتھ کریز پر موجود تھے۔

متعلقہ عنوان :