نومبر میں سعودی عرب سے خام تیل کی درآمد میں 29فیصد اضافہ ہوا،چین

اتوار 25 دسمبر 2016 14:30

بیجنگ (اُردو پوائنٹ اخبارتازہ ترین - این این آئی۔ 25 دسمبر2016ء) چین نے کہا ہے کہ نومبر کے دوران سعودی عرب سے خام تیل کی درآمد میں 29فیصد اضافہ ہوا جس سے وہ چین کو تیل سپلائی کرنے والا بڑا ملک بن گیا۔محکمہ کسٹمز کی رپورٹ کے مطابق نومبر کے دوران سعودی عرب سے خام تیل کی درآمدنومبر 2015 ء کی نسبت 29.19فیصد بڑھ کر 1.15ملین بیرل یومیہ رہی ۔

(جاری ہے)

دوسرے نمبر پر روس رہا جس سے تیل کی درآمد 17.92فیصد بڑھ کر 1.12ملین بیرل یومیہ رہی۔

دیگر ملکوں میں ایران سے تیل کی درآمد 24.48فیصد اضافے کیساتھ 611338بیرل یومیہ، عراق سے 15.68فیصد اضافے کیساتھ 695148بیرل یومیہ رہی۔اس کے علاوہ جن ملکوں سے تیل کی درآمد میں اضافہ ہوا ان میں انگولا، برازیل اور وینزویلا بھی شامل ہیں۔نومبر کے دوران چین کی خام تیل کی کل درآمد 7.87ملین بیرل یومیہ رہی جو اکتوبر کی نسبت 18.3فیصد زیادہ ہے۔