آرمی چیف جنرل قمر جاوید باجوہ کاآئی ایس پی آر کا دورہ ، افسران اور اسٹاف سے ملاقات

سبکدوش ڈی جی آئی ایس پی آر لیفٹیننٹ جنرل عاصم سلیم باجوہ کی پاک فوج کے سربراہ کو شعبہ تعلقا ت عامہ کے کام اورکردار پر بریفنگ

جمعہ 23 دسمبر 2016 22:12

راولپنڈی(اُردو پوائنٹ اخبارتازہ ترین - آئی این پی۔ 23 دسمبر2016ء) آرمی چیف جنرل قمر جاوید باجوہ نے انٹرسروسز پبلک ریلیشنز (آئی ایس پی آر)کا دورہ کیا،جہاں انہوں نے افسران اور اسٹاف سے ملاقات کی۔جمعہ کو پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے آئی ایس پی آر کا دورہ کیا۔اس موقع پر انہوں نے افسران اور اسٹاف سے ملاقات کی۔

(جاری ہے)

سبکدوش ہونے والے ڈی جی آئی ایس پی آر لیفٹیننٹ جنرل عاصم سلیم باجوہ نے آرمی چیف جنرل قمر جاوید باجوہ کو آئی ایس پی آر کے کام اورکردار پر بریفنگ دی۔آرمی چیف نے آئی ایس پی آر کے بطور ادارہ کردار کو سراہا۔ اس موقع پرچیف آف جنرل اسٹاف لیفٹیننٹ جنر ل بلال اکبر،وائس چیف آف جنرل اسٹاف میجر جنرل اظہر صالح اورنئے ڈی جی آئی ایس پی آرمیجر جنرل آصف غفور بھی موجود تھے۔(خ م)