ملک میں کم آمدنی والے طبقہ کے لئے افرط زر کی شرح 0.49 فیصد کم ہوگئی

ہفتہ 24 دسمبر 2016 00:20

اسلام آباد ۔ (اُردو پوائنٹ اخبارتازہ ترین - اے پی پی۔ 23 دسمبر2016ء) ملک میں کم آمدنی والے طبقہ کے لئے افرط زر کی شرح 0.49 فیصد کم ہوگئی، 8 ہزار روپے ماہانہ تک کی آمدنی والے طبقہ کے لئے قیمتوں کاحساس اشاریہ (ایس پی آئی) 210.44 پوائنٹس سے کم ہوکر 209.40 پوائنٹس ہو گیا۔ پاکستان بیورو برائے شماریات کے اعدادوشمار کے مطابق 22 دسمبر کو اختتام پذیر ہونے والے ہفتے کے دوران کمبائنڈ گروپ کے لئے افراط زر کی شرح میں 0.45 فیصد کمی ریکارڈ کی گئی ہے۔

(جاری ہے)

اس دوران ایس پی آئی 218.45 پوائنٹس ریکارڈ کیا گیا جو اس سے پچھلے ہفتے 219.43 پوائنٹس تھا۔ گزشتہ سال کہ اسی ہفتے کے مقابلے میں کمبائنڈ گروپ کے لئے ایس پی آئی میں 0.03 فیصد اضافہ ہوا ہے۔ ہفتہ وار افراط زر کا تعین 17 شہری مراکز میں 53 اشیائے ضروریہ کے بنیاد پر کیا گیا ہے۔ 8001 روپے سی 12000 روپے، 12001 روپے سے 18000 روپے، 18001 روپے سے 35000 روپے اور اس سے زائد آمدنی کے حامل مختلف گروپوں کے لئے قیمتوں کے حساس اشاریہ میں بالترتیب 0.48 فیصد، 0.48 فیصد، 0.46 فیصد اور 0.40 فیصد کمی ریکارڈ کی گئی ہے۔ اس دوران 15 اشیائے ضروریہ کی قمیتوں میں کمی اور 11 اشیاء کی قیمتوں میں اضافہ ہوا جبکہ دیگر 27 اشیاء کی قیمتیں مستحکم رہیں۔

Facebook Twitter Google + Share on Whatsapp

ملک میں کم آمدنی والے طبقہ کے لئے افرط زر کی شرح 0.49 فیصد کم ہوگئی

مزید قومی خبریں