پاکستان دہشت گردی کے خلاف جنگ میں امریکہ کا اہم اتحادی ہے‘ امریکہ پاکستان کے ساتھ تجارتی تعلقات کو مزید بہتر کرنا چاہتا ہے‘ باہمی تجارت کا فروغ دونوں ممالک کی معیشتوں اور عوام کیلئے فائدہ مند ہے
پاکستان میں تعینات امریکہ کے سفیر ڈیوڈ ہیل کی اسلام آباد چیمبر آف کامرس اینڈ انڈسٹری کے وفد سے بات چیت
جمعرات 22 دسمبر 2016 22:06
(جاری ہے)
امریکی سفیر نے کہا کہ پاکستان ایک زرعی ملک ہے لیکن ابھی تک پرانی ٹیکنالوجی استعمال کر رہا ہے۔ انہوں نے کہا کہ امریکہ کی جدید زرعی ٹیکنالوجی و مشینری کیلئے پاکستان کی مارکیٹ میں پرکشش مواقع موجود ہیں اور امریکی ٹیکنالوجی کو استعمال میں لا کر پاکستان کی زرعی پیداوار میں کئی گنا اضافہ کیا جا سکتا ہے۔
انہوں نے کہا کہ پاکستان میں سیکورٹی کی صورتحال کافی بہتر ہو گئی ہے جو قابل تعریف ہے اور اب امریکہ سمیت دیگر ممالک کے باشندے زیادہ اعتماد کے ساتھ پاکستان کا دورہ کر سکتے ہیں ۔ انہوں نے کہا کہ پاکستان صارفین کی ایک بڑی مارکیٹ ہے اور کاروبار کیلئے پرکشش ملک ہے۔ انہوں نے کہا کہ امن و امان مزید بہتر ہونے سے تجارتی وصنعتی سرگرمیوں کو بہتر فروغ مل سکتا ہے اور سرمایہ کاری میں بھی بہتری آ سکتی ہے۔انہوں نے کہا کہ امریکہ کے نومنتخب صدر خود ایک بزنس مین ہیں اور دوسرے ممالک کے ساتھ کاروباری تعلقات کو فروغ دینے کی اہمیت کو بخوبی سمجھتے ہیں لہٰذا انہوں نے اس امید کا اظہار کیا کہ نئی انتظامیہ کے دور میں پاکستان اور امریکہ کے درمیان تجارتی و اقتصادی تعلقات مزید بہتر ہو نے کے امکانات ہیں۔ اس موقع پر اپنے خیالات کا اظہار کرتے ہوئے اسلام آباد چیمبر آف کامرس اینڈ انڈسٹری کے صدر خالد اقبال ملک نے کہا کہ پاکستان اور امریکہ کے درمیان جنوری تا اکتوبر 2016کے دوران باہمی تجارت 4.53ارب ڈالر تک تھی تاہم انہوں نے کہا کہ دونوں ممالک کے درمیان مختلف شعبوں میں باہمی تجارت کو مزید فروغ دینے کے وسیع مواقع موجود ہیںجن سے استفادہ حاصل کرنے کیلئے دونوں کے نجی شعبوں کو مزید قریب لانے کی ضرورت ہے۔ انہوں نے کہا کہ دفاعی مصنوعات کے علاوہ دیگر شعبوں میں دوطرفہ تجارت کو مزید بہتر کرنے کی کافی گنجائش موجود ہے ۔ انہوں نے کہا کہ پاکستان اور امریکہ کے چیمبرز آف کامرس کے درمیان براہ راست تعلقات کا فروغ مشترکہ تعاون کے نئے مواقع تلاش کرنے میں کافی معاون ثابت ہو گا۔ انہوں نے کہا کہ امریکہ پاکستان کی طرف اپنی ڈائریکٹ فلائٹس چلائے جس سے عوامی روابط بہتر ہوں گے اور تجارت کو بھی مزید فروغ ملے گا۔ انہوں نے کہا کہ پاکستان کی ادویات اپنے اعلیٰ معیار کی وجہ سے امریکہ کی مارکیٹ میں بہتر مقبولیت حاصل کر سکتی ہیں لہذا امریکہ پاکستان سے ادویات کی درآمد پر توجہ دے جس سے اس کے عوام کو فائدہ ہو گا ، ہماری فارماسوٹیکل انڈسٹری کو مزید فروغ ملے گا اور معیشت بہتر ہو گی۔ انہوں نے کہا کہ دہشت گردی کے خلاف جنگ میں کلیدی کردار ادا کرنے کی وجہ سے پاکستان کی معیشت کو 107ارب ڈالر کا نقصان پہنچا لہذا اس نقصان کی تلافی کرنے کا سب سے بہتر طریقہ یہ ہے کہ امریکہ پاکستان کی زیادہ سے زیادہ مصنوعات کو اپنی مارکیٹ میں آسان رسائی فراہم کرے۔ اسلام آباد چیمبر آف کامرس اینڈ انڈسٹری کے سینئر نائب صدر خالد ملک، نائب صدر طاہر ایوب، میاں اکرم فرید، میاں شوکت مسعود، ظفر بختاوری، ناصر قریشی اور دیگر نے بھی اپنے خیالات کا اظہار کیا اور پاکستان و امریکہ کے درمیان تجارتی و اقتصادی تعلقات کو مزید بہتر کرنے کیلئے مفید تجاویز دیں۔متعلقہ عنوان :
مزید قومی خبریں
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.