انکم ٹیکس ترمیمی بل کے بعدجائیداد خریداری کا یہ سنہری موقع ہے، پریف
گزشتہ 15 دنوں میں صرف ڈی ایچ اے کراچی، لاہور اور اسلام آباد میں سودوں میں 50سے 200فیصد تک اضافہ ہوا ہے،صدر شعبان الہٰی
منگل 20 دسمبر 2016 15:24
(جاری ہے)
شعبان الہٰی نے کہا کہ انکم ٹیکس ترمیمی بل کی منظوری سے قبل رئیل اسٹیٹ سیکٹر میں کاروبار منجمند ہو گیا تھا، الحمداللہ اب سرمایہ کاروں کا رجحان مثبت ہے اور دن بہ دن بڑھ رہا ہے۔
ہمارے رئیل اسٹیٹ کے شعبے میں بیرون ملک مقیم پاکستانی اور مقامی سرمایہ کار بھی خاصی دلچسپی لے رہے ہیں۔ لوگ اپنا سرمایہ رہائشی اسکیموں ، کمرشل منصوبوں اور رئیل اسٹیٹ کے دیگر شعبوں میں لگانے کے خواہاں ہیں۔غضنفر محبوب نے بتایا کہ گزشتہ 15 دنوں کے دوران عمومی طور پر پاکستان بھر اور خصوصاڈی ایچ اے (DHA)کراچی ، لاہور اور اسلام آباد میں لوگوں کی دلچسپی بڑھ گئی ہے۔ جائیداد کے سودوں میں ڈی ایچ اے کراچی اور ڈی ایچ اے سٹی میں 50سے 200فیصد تک اضافہ دیکھا جارہا ہے۔عمران الہٰی نے کہا کہ اس مثبت پیش رفت کی ایک بڑی وجہ ڈی ایچ اے انتظامیہ کی جانب سے ترقیاتی کاموں میں تیزی لانابھی ہے۔ماضی میں بھی عام طور پر زیادہ تر سرمایہ کاروں کی دلچسپی ڈی ایچ اے میں رہی ہے کیونکہ وہ اپنا سرمایہ یہاں محفوظ اور منافع بخش سمجھتے ہیں۔میجر ریٹائرڈ نوید باجوہ نے کہا کہ جیسے جیسے لوگوں میں ان نئی ترامیم کی مناسب آگاہی آئی جائے گی ویسے ہی ٹرانزیکشنز میں بھی بتدریج اضافہ ہوتا جائے گا۔ بیرون ملک مقیم پاکستانیوں کی دلچسپی کا ذکر کرتے ہوئے حسن بشارت نے بتایا کہ پاکستان کے رئیل اسٹیٹ سیکٹر کے شعبے میں ٹرانزیکشنز میں بہتری کی ایک اوربڑی وجہ آرگنائزیشن آف اکنامک کوآپریشن اینڈ ڈویلپمنٹ ( OECD)کے حالیہ اعلانات ہیں جس کے تحت بیرون ملک سرمایہ کاری کرنے والوں سے ٹیکس ادائیگی کی تفصیلات طلب کی جائیں گی۔ انہوں نے کہا کہ ایسی صورت حال میں پاکستان کا رئیل اسٹیٹ سیکٹر ایسے لوگوں کے لیے سرمایہ کاری کی ایک محفوظ جگہ ہے۔ اس اجلاس کے شرکاء کی بھی متفقہ رائے ہے کہ اس وقت یہ ایک سنہری موقع ہے کہ سرمایہ کار اس اسکیم کے تحت اپنے غیر دستاویزی پیسے کو دستاویزی شکل میں لے آئیں۔ یہ رئیل اسٹیٹ سیکٹر میں خریداری کرنے کا ایک بہترین موقع ہے۔ اراکین کا کہنا ہے کہ اگر حکومت اسی طرح اس شعبے پر توجہ دیتی رہی تو اگلے کچھ سالوں میں رئیل اسٹیٹ سیکٹر اور اس سے منسلک 50سے زائدشعبوں میں بھی خاصی سرگرمیاں بڑھیں گی۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.