سعودی فرمانروا شاہ سلمان بن عبدالعزیز اورآرمی چیف جنرل قمرجاویدباجوہ کی ملاقات
دہشتگردی کے خلاف اقدامات جاری رکھنے،انتہاپسندی کے خاتمے کیلئے میکنزم کوزیادہ قوت سے بروئے کارلانے پراتفاق آرمی چیف کی سعودی قیادت سے ملاقاتوں کے دوران عسکری شعبے میں تعاون بڑھانے سمیت علاقائی سیکیورٹی صورتحال سے متعلق امورپرتبادلہ خیال آرمی چیف کا حرمین شریفین کی سیکیورٹی اورسعودی عرب کی علاقائی سالمیت کے تحفظ کیلئے پاکستانی عزم کااعادہ
راولپنڈی/ریاض(اُردو پوائنٹ اخبارتازہ ترین - این این آئی۔ 18 دسمبر2016ء) سعودی فرمانروا شاہ سلمان بن عبدالعزیز اورآرمی چیف جنرل قمرجاویدباجوہ کی ملاقات میں دہشتگردی کے خلاف اقدامات جاری رکھنے اورانتہاپسندی کے خاتمے کیلئے میکنزم کوزیادہ قوت سے بروئے کارلانے پراتفاق کیاگیاہے،جبکہ آرمی چیف کی سعودی قیادت سے ملاقاتوں کے دوران عسکری شعبے میں تعاون بڑھانے پراتفاق سمیت علاقائی سیکیورٹی صورتحال سے متعلق امورزیرغورلائے گئے،آرمی چیف نے حرمین شریفین کی سیکیورٹی اورسعودی عرب کی علاقائی سالمیت کے تحفظ کیلئے پاکستانی عزم کااعادہ کیا ہے۔
اتوارکوآئی ایس پی آر کے مطابق آرمی چیف جنرل قمرجاویدباجوہ نے اپنے دورہ سعودی عرب کے دوران سعودی فرمانروا شاہ سلمان بن عبدالعزیز سے ملاقات کی ۔(جاری ہے)
سعودی فرمانروا اور آرمی چیف نے ملاقات کے دوران اتفاق کیا کہ دونوں ممالک برادرانہ تعلقات پرمبنی تعلقات کی عظیم تاریخ رکھتے ہیں اوردونوں ممالک کے درمیان بھائی چارے کاگہرا جذبہ موجود ہے جوایک پائیدار شراکت داری میں تبدیل ہوچکا ہے۔
دونوں رہنمائوںنے ملاقات کے دوران اتفاق کیا کہ پاکستان اورسعودی عرب کا علاقائی استحکام میں مرکزی کردار ہے۔دونوں رہنمائوں نے دہشت گردی کی لعنت ختم کرنے کیلئے اقدامات جاری رکھنے کی ضرورت پرزوردیا اور اتفاق کیا کہ انتہاپسندی کوختم کرنے کیلئے میکنزم کو زیادہ قوت سے بروئے کارلانے کی ضرورت ہے ۔اس موقع پرسعود ی ولی عہد اوروزیرخارجہ بھی موجودتھے۔ آرمی چیف جنرل قمرجاویدباجوہ نے نائب سعودی ولی عہداور وزیردفاع محمدبن سلمان سے بھی ملاقات کی اور باہمی دلچسپی اوردوطرفہ سیکیورٹی تعاون کے حوالے سے تبادلہ خیال کیا۔سعودی وزیردفاع نے پاکستان میں امن اوراستحکام کے حوالے سے سعودی عرب کی حمایت کااعادہ کیا۔ آرمی چیف نے حرمین شریفین کی سیکیورٹی اور سعودی عرب کی علاقائی سالمیت کے تحفظ کیلئے پاکستانی عزم کااعادہ کیا۔بعدازاں جنرل قمرجاویدباجوہ نے سعودی فورسز کے چیف آف جنرل سٹاف عبدالرحمان بن صالح البنیان سے بھی ملاقات کی اور دونوں ممالک کی افواج کے درمیان تعلقات، دفاعی تعاون اورعلاقائی سیکورٹی صورتحال پرتبادلہ خیال کیا۔ملاقات میں دونوںممالک کے درمیان تعاون بڑھانے پراتفاق کیاگیا۔متعلقہ عنوان :
مزید اہم خبریں
-
فواد چوہدری کوعبوری ضمانتیں کرانے کے لیے ایک ہفتے تک متعلقہ عدالتوں میں پیش ہونے کی مہلت
-
چیف جسٹس آف پاکستان جسٹس قاضی فائزعیسی کی لاہور ہائیکورٹ آمد،چیف جسٹس لاہور ہائیکورٹ جسٹس ملک شہزاد احمد خان نے استقبال کیا
-
پنجاب بھر میں 1500 دیہی، 1200 شہری افراد کیلئے ایک صفائی والا مختص کرنے کی ہدایت
-
حکومت نے 22 نومبر 2017ء کو وزیرِ اعظم کی سربراہی میں دھرناختم کرنے کی ذمے داری دی تھی، فیض حمید
-
مسلح افواج دہشتگردی کے خطرے کو مستقل ختم کرنے کیلئے پرعزم ہے
-
کورکمانڈرز کانفرنس کا مسلح افواج کی حوصلہ شکنی پر مبنی پراپیگنڈا مہم پر تشویش کا اظہار
-
سٹیٹ بینک آف پاکستان اور وزیراعظم یوتھ پروگرام کا نوجوانوں کے کاروبار کے لیے قرضہ سکیم کو بڑھانے پر غور
-
مہنگائی کا مزید سیلاب آنے والا ہے اور انڈسٹری بند ہو رہی ہے
-
مسلح افواج اور قانون نافذ کرنے والے اداروں کو پوری قوم کی حمایت حاصل ہے، آرمی چیف
-
چند ماہ کے دوران پاکستان میں سرمایہ کاری کی طرف پیشرفت ہوگی، سعودی وزیر خارجہ
-
آئی ایم ایف کے ساتھ کئی ارب ڈالر کے نئے قرضہ معاہدے پربات چیت کاآغازکردیاگیاہے، جی ڈی پی کے تناسب سے ٹیکسوں اور سر مایہ کاری کی شرح کو 15 فیصدکی سطح پرلانے کی کوشش کررہے ہیں، وزیرخزانہ محمد اورنگزیب
-
وفاقی وزیرداخلہ کا خیبرپختونخوا میں بارشوں اور لینڈ سلائیڈنگ سے قیمتی انسانی جانوں کے ضیاع پر گہرے افسوس کا اظہار
