منشیات جوتوں میں چھپا کر جہاز کا سفر کیا تھا، سنجے دت کا انکشاف

منشیات کا عادی ہوجانے پر کسی بھی قسم کا خطرہ مول لینے سے گریز نہیں کرتا تھا، بالی ووڈ اسٹار نوجوانوں کو نشے کی لت سے دور جانے کا مشورہ دوں گا‘انٹرویو

اتوار 18 دسمبر 2016 11:30

منشیات جوتوں میں چھپا کر جہاز کا سفر کیا تھا، سنجے دت کا انکشاف

ممبئی(اُردو پوائنٹ اخبارتازہ ترین - این این آئی۔ 18 دسمبر2016ء) بالی ووڈ میں سنجوبابا کے نام سے مشہور اداکار سنجے دت نے کہا ہے کہ ماضی میں منشیات کا عادی ہوجانے پر کسی بھی قسم کا خطرہ مول لینے سے گریز نہیں کرتا تھا اور یہی وجہ ہے کہ ایک بار جوتوں میں ایک کلو ہیروئن چھپا کر جہاز کا سفر کیا۔بالی ووڈ کے ستاروں میں نشہ کرنا معمولی سی بات سمجھی جاتی ہے اور کئی اداکار نشے کی لت کے باعث جیل کی ہوا بھی کھا چکے ہیں جب کہ بالی ووڈ کے سنجے دت بھی منشیات استعمال کرنے والوں کی فہرست میں شامل ہیں جنہیں نشے کی عادت نے بڑی مصیبتوں میں پھنسایا ہے لیکن اب سنجو بابا کے انکشافات نے سب کو چونکا دیا ہے۔

بھارتی میڈیا کے مطابق سنجے دت نے ایک انٹرویو میں اپنے نشے کی عادت سے متعلق بڑے انکشافات کیے ہیں جنہوں نے نہ صرف سب کو حیران کردیا ہے۔

(جاری ہے)

بلکہ بھارت کی اندرونی سیکیورٹی کا پول بھی کھول دیا ہے۔سنجے دت کا کہنا تھا کہ والدہ کے کینسرجیسے موذی مرض کے علاج کے دوران ہی میں نے منشیات لینا شروع کردی تھی اور فلم نگری میں قدم رکھتے وقت منشیات کا عادی ہوچکا تھا جب کہ منشیات کا عادی ہوجانے پر کسی بھی قسم کا خطرہ مول لینے سے گریز نہیں کرتا تھا اور یہی وجہ ہے کہ ایک بار جوتوں میں ایک کلو ہیروئن چھپا کر جہاز کا سفر کیا جب کہ اس وقت میری دونوں بہنیں پرواز میں ساتھ تھیں۔

سنجے دت نے کہا کہ ایئر پورٹ پر چیکنگ نہ ہونے کے باعث میں نے یہ انتہائی قدم اٹھایا تھا کیوں کہ منشیات استعمال کرتے وقت مجھے اپنی فیملی اورکسی اور چیز کی فکر ہی نہیں ہوتی تھی لیکن اب اپنی وجہ سے بہنوں کو بھی منشیات اسمگلنگ میں پکڑے جانے کا سوچتا ہوں تو ڈر جاتا ہوں۔ بالی ووڈ اسٹار نے کہا کہ نوجوانوں کو نشے کی لت سے دور جانے کا مشورہ دوں گا۔واضح رہے کہ اداکار سنجے دت کی زندگی پر فلم بنائی جائے گی جس میں رنبیر کپور مرکزی کردار ادا کریں گے۔

متعلقہ عنوان :