بلوچستان می ںسب سے زیادہ ’’غربت‘‘ سب سے کم ’’غریب‘پنجاب میں ہونے کا انکشاف

صوبہ سندھ میں 33 فیصد، صوبہ خیبرپختونخواہ میں32 ہے،سسٹین ایبل ڈویلپمنٹ پالیسی انسٹی ٹیوٹ کی تازہ تحقیقی رپورٹ

ہفتہ 17 دسمبر 2016 16:20

لاہور(اُردو پوائنٹ اخبارتازہ ترین - آئی این پی۔ 17 دسمبر2016ء) سب سے زیادہ غربت بلوچستان،سب سے کم پنجاب میں ہونے کا انکشاف ہوا ہے غیر سرکاری تنظیم سسٹین ایبل ڈویلپمنٹ پالیسی انسٹی ٹیوٹ کی تحقیقی رپورٹ میں یہ بھی انکشاف ہوا ہے کہ پاکستان کی ایک تہائی آبادی انتہائی غربت اور مفلسی کا شکار ہے۔ جبکہ پاکستان میں غربت کی شرح میں دن بدن اضافہ دیکھنے میں آربا ہے۔

(جاری ہے)

رپورٹ کے مطابق غربت کی شرح کا اندازہ اس بات سے لگایا جا سکتا ہے کہ ساڑھے 18 کروڑ آبادی والے ملک کی 33 فیصد آبادی ایسی ہے ،جس کی5 کروڑ 87 لاکھ افراد خط غربت سے بھی نیچے زندگی گزارنے پر مجبور ہیں۔غیر سرکاری تنظیم کے مطابق صوبائی لحاظ سے غربت کی یہ شرح صوبہ بلوچستان میں سب سے زیادہ 52 فیصد ہے پنجاب میں سب سے کم ، یعنی صرف 19 فیصد ہے۔ علاوہ ازیں ، صوبہ سندھ میں 33 فیصد، صوبہ خیبرپختونخواہ میں32 ہے۔ پاکستان کا سب سے بڑا مسئلہ غربت ہے جس کی وجہ مہنگائی میں روز بروز اضافہ، دولت کی غیر مساویانہ تقسیم، وسائل میں کمی، بیروزگاری اور بڑھتی ہوئی آبادی ہے۔دیہی علاقوں کے ساتھ ساتھ شہری آبادی میں بھی غربت میں اضافہ دیکھنے میں آرہا ہے۔