برسبین ٹیسٹ ، پاکستانی بیٹسمینوں نے شرمناک ریکارڈ اپنے نام کرلیا

جمعہ 16 دسمبر 2016 19:59

برسبین(اُردو پوائنٹ اخبارتازہ ترین - آن لائن۔ 16 دسمبر2016ء) آسٹریلیا کے خلاف پہلے ٹیسٹ میچ میں پاکستانی بلے بازوں نے بدترین کارکردگی کا مظاہرہ کیا ہے اور پہلی اننگز میں فالو آن کا شکار ہونے کے قریب پہنچ چکی ہے۔اس میچ میں پاکستانی بازوں نے خزاں کے پتوں کی طرح جھڑ کر ایک شرمناک ریکار ڈبھی اپنے نام کر لیا ہے۔

(جاری ہے)

آسٹریلیا کی پہلی اننگز کے 429 رنز کے جواب میں پاکستانی بلے باز کریز پر آئے تو یوں واپس جانے لگے جیسے بیٹنگ کرنے نہیں بلکہ صرف پچ کا معائنہ کرنے کیلئے تھے آئے۔

پاکستان بیٹنگ لائن نے تیسری وکٹ سے آٹھویں وکٹ تک یعنی 5 کھلاڑیوں نے مجموعی سکور میں صرف 24 رنز کا اضافہ کیا جو پاکستان کی ٹیسٹ کرکٹ کی تاریخ میں تیسری سے آٹھویں وکٹ کے درمیان بنایا گیا سب سے کم سکور ہے۔اس سے قبل پاکستان کا تیسری سے آٹھویں وکٹ کے درمیان پانچ کھلاڑیوں کی جانب سے مجموعی طور پربنایا جانے والے سب سے کم سکور 25 تھا جو 1981-82 میں واکا سٹیڈیم میں کھیلے گئے میچ میں بنایاگیا تھا۔۔

Facebook Twitter Google + Share on Whatsapp

برسبین ٹیسٹ ، پاکستانی بیٹسمینوں نے شرمناک ریکارڈ اپنے نام کرلیا

متعلقہ عنوان :

مزید کھیلوں کی خبریں