پریذیڈنٹ آف پاکستان گولڈ کپ انٹرنیشنل سکواش چیمپئن شپ 30 دسمبر سے مصحف سکواش کمپلیکس، اسلام آباد میں شروع ہوگا

چیمپئن شپ میں 10 غیر ملکی کھلاڑی سمیت 48 کھلاڑی شرکت کریں گے، غیر ملکی کھلاڑیوں میں مصر، آسٹریا، ہانگ کانگ، جمیکا اور ملائیشیاء شامل ہیں

جمعہ 16 دسمبر 2016 12:17

اسلام آباد (اُردو پوائنٹ اخبارتازہ ترین - این این آئی۔ 16 دسمبر2016ء) پاکستان سکواش فیڈریشن کے زیراہتمام پریذیڈنٹ آف پاکستان گولڈ کپ انٹرنیشنل سکواش چیمپئن شپ 30 دسمبر سے مصحف سکواش کمپلیکس، اسلام آباد میں شروع ہوگا،پاکستان سکواش فیڈریشن کے سیکرٹری جنرل گروپ کیپٹن عامرنواز نے بتایا کہ چیمپئن شپ میں 10 غیر ملکی کھلاڑی سمیت 48 کھلاڑی شرکت کریں گے، غیر ملکی کھلاڑیوں میں مصر، آسٹریا، ہانگ کانگ، جمیکا اور ملائیشیاء شامل ہیں، ہانگ کانگ کے کھلاڑی لیو آئو 25 ہزار ڈالر کی انعامی رقم کے حامل ٹورنامنٹ کے ٹاپ سیڈ ہونگے، پری کوالیفائنگ رائونڈ 30 دسمبر کو، کوالیفائنگ رائونڈ یکم اور 2 جنوری کو جبکہ مین رائونڈ 3 جنوری کو کھیلا جائے گا، کوارٹر فائنل 4 جنوری، سیمی فائنل 5 جنوری کو جبکہ فائنل میچ6 جنوری کو کھیلا جائے گا، انہوں نے کہا کہ ٹورنامنٹ کی تیاریاں شروع کر دی گئی ہیں-