حکومت پنجاب نے 17 ارب روپے مالیت کے پنجاب ایجوکیشنل انڈوومنٹ فنڈ، لیپ ٹاپ سکیم و دیگر اقدامات کے ذریعے تعلیمی شعبے کو ترقی کی راہ پر گامزن کر دیا ہے،صوبائی وزیر تعلیم
بدھ 14 دسمبر 2016 20:32
(جاری ہے)
انہوں نے ان خیالات کا اظہار بہائو الدین زکریایونیورسٹی ملتان کے جناح آڈیٹوریم میں پنجاب ایجوکیشنل انڈوومنٹ فنڈ کے وظائف کی افتتاحی تقریب سے خطاب کرتے ہوئے کیا۔
اس موقع پر وائس چانسلر بہائو الدین زکریا یونیورسٹی پروفیسر ڈاکٹر طاہر امین ، وائس چانسلر محمد نواز شریف ایگری کلچر یونیورسٹی پروفیسر ڈاکٹر آصف علی ، چیف ایگزیکٹو پنجاب ایجوکیشنل انڈوومنٹ فنڈ ڈاکٹر کامران شمس ، ممبر صوبائی اسمبلی حاجی احسان الدین قریشی، رانا محمودالحسن ، ڈسٹرکٹ کوارڈی نیشن آفیسر ملتان نادر چٹھہ ، ایڈیشنل کمشنر کوارڈی نیشن سرفراز احمد ، ڈائریکٹر سٹوڈنٹ افیئرز بی زیڈ یو پروفیسر ڈاکٹر محمد اشرف خان، ڈائریکٹر انسٹی ٹیوٹ آف سوشل سائنسز پروفیسر ڈاکٹر اعجاز احمد رانا،ایگزیکٹو ڈسٹرکٹ ایجوکیشن آفیسر ملتان اشفاق احمد گجر، یونیورسٹی اساتذہ اور طلباء کی کثیر تعداد موجود تھی۔صوبائی وزیر تعلیم رانا مشہود احمد خاں نے مزید کہا کہ پاکستان اس وقت ترقی کی راہ پر گامزن ہو چکا ہے۔ سی پیک اس خطے کے لئے ایک گیم چینجر ہے جس سے ترقی کے ایک نئے دور کا آغاز ہو گا، 2 لاکھ نوجوانوں کو روزگار ملے گا ۔آج پاکستان نے اپنا کھویا ہوا مقام واپس حاصل کر لیا ہے اب دنیا کے ترقی یافتہ ممالک برطانیہ ، ترکی، چین ،وسط ایشیائی ریاستیں پاکستان کا رُخ کر رہے ہیں جس سے سرمایہ کاری میں اضافہ ہو گااور ہماری معیشت مضبوط بنیادوں پر استوار ہو گی ۔صوبائی وزیر تعلیم نے مزید کہا کہ ہماری آبادی کا 62 فیصد حصہ نوجوانوں پر مشتمل ہے۔ وزیر اعلیٰ پنجاب محمد شہباز شریف نے نوجوانوں کو ترقی کے مواقع فراہم کرنے کے لئے انقلابی اقدامات کیے ہیں تاکہ وہ اپنی صلاحیتوں کا بھر پور طریقے سے مظاہرہ کر سکیں۔ آج پنجاب ایجوکیشنل انڈوومنٹ فنڈ کی بدولت طلباء پاکستان اور بیرون ملک ایم فل اور پی ایچ ڈی تک تعلیم حاصل کر رہے ہیں۔وزیر اعلیٰ پنجاب نے 1999ء میں امتحانی نظام میں نقل کا خاتمہ کر کے ٹیلنٹ کو آگے آنے کا موقع فراہم کیا اور 2009ء سے پنجاب ایجوکیشنل انڈوومنٹ فنڈ کا آغاز کر کے طلباء و طالبات کو اپنی تعلیم جاری رکھنے کی سہولت فراہم کی۔ صوبائی وزیر نے مزید کہا کہ پنجاب 53 ہزار سکولوں کے نیٹ ورک کے ساتھ دنیا کا سب سے بڑا صوبہ ہے ۔ 40 ہزار اساتذہ میرٹ پر بھرتی کئے گئے ہیں، اساتذہ کی مزید میرٹ پر بھرتی جاری ہے جو آئندہ سال تک سوا لاکھ ہو جائے گی۔ انہوں نے مزید کہا کہ ہمارا مقصدقوم کے نونہالوں کو اعلیٰ تعلیم کے مواقع فراہم کرنا ہے جس کے لئے حکومتِ پنجاب تمام وسائل بروئے کار لا رہی ہے۔ انہوں نے کہا کہ ہمارے طلباء ہمارا فخر ہیں جو پوری دنیا میں پاکستان کا نام روشن کررہے ہیں،گارڈ آف آنر جو پہلے بڑے بڑے وزراء اور بیوروکریٹس کو دیا جاتا تھا وہ اب پوزیشن ہولڈر طلبا وطالبات کو دیا جا رہا ہے۔صوبائی وزیر تعلیم نے مزید کہا کہ حکومت پنجاب ترقیاتی کاموں پر بھی بھر پور توجہ دے رہی ہے۔تقریب سے خطاب کرتے ہوئے وائس چانسلر بہاء الدین زکریا یونیورسٹی پروفیسر ڈاکٹر طاہر امین نے کہا کہ حکومت پنجاب تعلیمی میدان میں انقلابی اقدامات کر رہی ہے جو کہ انتہائی قابل فخر ہیں۔ پنجاب ایجوکیشنل انڈوومنٹ فنڈ کے قیام سے غریب والدین کے طلبا و طالبات کو اعلیٰ تعلیم کے مواقع میسر آ رہے ہیں ۔تقریب سے خطاب کرتے ہوئے چیف ایگزیکٹو آفیسر پنجاب ایجوکیشنل انڈوومنٹ فنڈ ڈاکٹر کامران شمس نے کہا کہ ڈیڑھ لاکھ طلباء و طالبات کی مالی اعانت کی جا رہی ہے۔وزیر اعلیٰ پنجاب محمد شہباز شریف اُن تمام والدین اور طلباو طالبات کے خوابوں کی تعبیر کریں گے جو اعلیٰ تعلیم حاصل کرنا چاہتے ہیں ۔ سکالر شپ تعصب اور سیاست سے بالا تر ہو کر صرف میرٹ پر دئیے جا رہے ہیں۔متعلقہ عنوان :
مزید قومی خبریں
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
-
بانی پی ٹی آئی نے خواتین کی گرفتاریوں پر تشویش کا اظہار کیا،شیر افضل مروت
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.