اسمبلی کو چور ڈاکوئوں کی اسمبلی کہنے والے پھر یو ٹرن لے کر واپس آ گئے ‘ پی ٹی آئی کے ارکان کو برقعہ پہن کر پارلیمنٹ میں آنا چاہیے تھا ‘ عمران خان صبح کو کچھ بولتا ہے‘ شام کو کچھ بار بار فیصلے تبدیل کرنے سے عمران خان خود یو ٹرن بن کر رہ گیا ہے ‘ ایک شخص نے ساری جماعت اور کارکنوں کی عزت نفس تباہ کر دی ‘ تحریک انصاف کی بار بار پارلیمنٹ میں واپسی آئین اور جمہوریت کی فتح ہے ‘ عمران خان ٹھیک نہیں ہو سکتے ‘ یہ پھر پارلیمنٹ کا بائیکاٹ کریں گے پھر واپس آئیں گے، جو دہلیز پار گئے ان پر اعتبار نہیں کیا جا سکتا
وزیر دفاع خواجہ آصف کی پارلیمنٹ ہائوس کے باہر میڈیا سے گفتگو
بدھ 14 دسمبر 2016 18:29
اسلام آباد(اُردو پوائنٹ اخبارتازہ ترین - آئی این پی۔ 14 دسمبر2016ء) وفاقی وزیر دفاع و پانی و بجلی خواجہ محمد آصف نے کہا ہے کہ جو دہلیز پار گئے ان پر اعتبار نہیں کیا جا سکتا ‘ اسمبلی کو چور ڈاکوئوں کی اسمبلی کہنے والے پھر یو ٹرن لے کر واپس آ گئے ہیں ‘ پی ٹی آئی کے ارکنا کو برقع پہن کر پارلیمنٹ میں آنا چاہیے تھا ‘ عمران خان صبح کو کچھ بولتا ہے‘ شام کو کچھ بار بار فیصلے تبدیل کرنے سے عمران خان خود یو ٹرن بن کر رہ گیا ہے ‘ ایک شخص نے ساری جماعت اور کارکنوں کی عزت نفس تباہ کر دی ‘ تحریک انصاف کی بار بار پارلیمنٹ میں واپسی آئین اور جمہوریت کی فتح ہے ‘ عمران خان ٹھیک نہیں ہو سکتے ‘ یہ پھر پارلیمنٹ کا بائیکاٹ کریں گے پھر واپس آئیں گے۔
وہ بدھ کو پارلیمنٹ ہائوس کے باہر میڈیا سے گفتگو کر رہے تھے۔(جاری ہے)
انہوں نے کہاکہ تحریک انصاف گھٹنوں پر بیٹھ کر اور پیٹ کے بل لیٹ کر پارلیمنٹ میں واپس آئی ہے۔ تحریک انصاف کے ممبران اراکین پارلیمنٹ کی تنخواہوں میں اضافے کی وجہ سے واپس آتے ہیں۔ تحریک انصاف نے ہماری حکومت پر تمام ہتھکنڈے آزمائے۔ بنا شواہد میڈیا پر بار بار جھوٹ بولنے اور جگ ہنسائی کے بعد انہیں پتہ چل گیا کہ کچھ بھی بارآور ثابت نہیں ہو گا۔
انہوں نے کہا کہ میں نے پاکستان کی تاریخ میں آج تک کسی ایسی سیاسی جماعت ‘ پارٹی کے سربراہ پارٹی رہنمائوں کو عزت نفس پر ایسا سودا کرتے نہیں دیکھا جیسا تحریک انصاف والوں نے کیا۔ عمران خان کو نہ پارٹی نہ کارکنوں او رنہ ہی اداروں کی عزت کا خیال ہے۔ عمران خان 2014ء سے ایک ہی کام پر لگے ہوئے ہیں ۔ پہلے دھاندلی کے الزامات پر انہیں ہزیمت اٹھانا پڑی اب پانامہ معاملے پر لگے ہوئے ہیں۔ کیس سپریم کورٹ میں ہے اس لئے اس پر بات نہیں کروں گا ۔ خواجہ آصف نے کہا کہ اگر تحریک انصاف کے ممبران میں عزت نفس ہوتی تو یوں بار بار پارلیمنٹ میں واپس نہ آتے۔ پارلیمنٹ سے بالاتر کوئی نہیں یہ 20 کروڑ عوام کی نمائندگی کرتا ہے جو شخص پارلیمنٹ کی عزت نہیں کرتا وہ اپنی تذلیل کرتا ہے۔ اپوزیشن اور حکومتی ممبران سب کی ذمہ داری ہے کہ پارلیمنٹ کو مضبوط کریں۔ انہوں نے کہا کہ تحری ک انصاف والے اپنے آپ کو میڈیا پر زندہ رکھنا چاہتے ہیں۔ عمران خان کی سیاست سے تحریک انصاف کو گزشتہ 4 سالوں میں بے حد نقصان اٹھانا پڑا۔ 2013ء میں میرے حلقے سے پی ٹی آئی کو 78 ہزار ووٹ ملے اب یہ حال ہے کہ ان کو میئر کیلئے تجویز کنندہ اور تائید کنندہ نہیں ملے۔ خواجہ آصف نے کہا کہ پاک فوج آئینی ادارہ ہے پچھلے 5 سالوں میں ادارے کا وقار بلند ہوا۔ فوج کے خلاف نازیبا زبان بولنا عمرن خان کا تو وطیرہ ہو سکتا ہے لیکن میرا نہیں۔ ایک سوال کے جواب میں انہوں نے کہاکہ 4 سال گزر گئے ایک سال بھی خیر و عافیت سے گزر جائے گا۔ گزشتہ 4 سال میں لوڈ شیڈنگ اور دہشت گردی میں کمی ہوئی ۔ معاملات بہتری کی طرف جا رہے ہیں وزیر اعظم ہر میدان میں فتح یاب ہو رہے ہیں۔مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.